ހޮރްމޫޒް ކަނޑުއޮޅީގައި ކަނޑުމައިން އިންދުމަށާއި އެމެރިކާ ސިފައިންނަށް ޙަމަލާދިނުމުގެ ބަދަލުހިފުމެއްގެ ގޮތުން، އެމެރިކާގެ އަސްކަރިއްޔާއިން އީރާނުގެ ދެކުނުގެ ސިރިކް، ބަންދަރު އަައްބާސް، ޗާބަހާރު އަދި ޤެޝްމް އައިލެންޑްގައިވާ އައި.އާރު.ޖީ.ސީ ގެ އަސްކަރީ ތަންތަނަށް ވަރުގަދަ ވައިގެ ޙަމަލާތަކެއް ދީފައެވެ.
މީގެ ބަދަލުހިފުމުގެ ގޮތުން އީރާނުން ވަނީ ބަޙްރައިން، ޖޯޑަން، ކުވެއިތު، ޔޫ.އޭ.އީ އަދި ޢިރާޤުގައިވާ އެމެރިކާގެ އަސްކަރީ ބޭސްތަކަށް ޑްރޯން އާއި ބެލިސްޓިކް މިސައިލް ޙަމަލާތަކެއް ދީފައެވެ. ޖޯޑަންގެ އަސްކަރިއްޔާއިން ވަނީ އެ ޤައުމުގެ ވައިގެ ސަރަޙައްދަށް ވަން 10 މިސައިލެއް ވައިގެ ތެރެއަށް ވައްޓާލާފައިވާކަން ކަށަވަރުކޮށްދީފައެވެ. އެމެރިކާގެ އޮފިޝަލުން ބުނާ ގޮތުގައި އީރާނުގެ ހަމަލާތަކުގައި އެމެރިކާގެ ސިފައިންގެ މީހަކު މަރުވެފައެއް ނުވެއެވެ.
އީރާނުގެ ސެކިއުރިޓީ ކައުންސިލުން ވަނީ އެމެރިކާއާ ދެކޮޅަށް ”އައު ހަނގުރާމައިގެ އިސްތިރާތިޖީ“ ބޭނުންކުރަން ފަށާފައިވާކަމުގެ އިންޒާރު ދީފައެވެ.
