ޤާނޫނު ނަންބަރު 27/2025 (ޒަކާތުގެ ޤާނޫނު) ގެ 12 ވަނަ މާއްދާގެ (ގ) ގެ ދަށުން އެކުލަވައިލެވިފައިވާ ’ޒަކާތް ނެރުމާއި ބެހުމުގައި ޢަމަލުކުރާނެ ގޮތުގެ ޝަރުޢީ އަސާސުތަކާއި މިންގަނޑުތައް‘ ފޮތުގެ ދެވަނަ އިޞްދާރު މިއަދު ރަސްމީކޮށް ނެރެފިއެވެ.
މިކަމަށް ބޭއްވި ޚާއްޞަ ރަސްމިއްޔާތެއްގައި މި ފޮތުގެ ދެވަނަ އިޞްދާރު ނެރެދެއްވީ މިނިސްޓަރ އޮފް އިސްލާމިކް އެފެއާޒް އެންޑް އެންޑައުމެންޓްސް ޑރ. މުޙައްމަދު ޝަހީމް ޢަލީ ސަޢީދެވެ.
މި ފޮތަކީ ޝަރުޢީ ހަމަތަކާއި އުޞޫލުތަކާ އެއްގޮތްވާ ގޮތުގެ މަތީން ރާއްޖޭގައި ޒަކާތް ނެގުމާއި ބެހުމުގެ ނިޒާމު އިތުރަށް ހަރުދަނާކުރުމަށްޓަކައި، ޒަމާނީ އަދި އަދާހަމަ އިރުޝާދުތަކެއް ހިމަނައިގެން ނެރެފައިވާ މުހިންމު އިޞްދާރެކެވެ. މިގޮތުން، އަލަށް އަދާހަމަކުރެވުނު މި އިޞްދާރުގައި ހިމަނާފައިވަނީ 1 ޖަނަވަރީ 2026 ގައި ޢަމަލުކުރަން ފެށުނު ޒަކާތުގެ އައު ޤާނޫނުގެ ދަށުން އުފައްދާފައިވާ ޝަރީޢާ އެޑްވައިޒަރީ ކޮމިޓީގެ ލަފަޔާއި އިރުޝާދުގެ މަތީން ގެނެވިފައިވާ މުހިންމު އިޞްލާޙުތަކެކެވެ.
އައު ޤާނޫނީ އޮނިގަނޑުގެ ދަށުން ޝަރީޢާ އެޑްވައިޒަރީ ކޮމިޓީން އިރުޝާދު ދެމުން ގެންދަނީ ޒަކާތާ ގުޅުންހުރި އެންމެހައި ސިޔާސަތުތަކާއި އުޞޫލުތައް އިސްލާމީ ޝަރީޢަތާ އެއްގޮތްވާ ގޮތުގެ މަތީން ދެމެހެއްޓުމަށް ބާރުއެޅުމުގެ ގޮތުންނެވެ. އެހެންކަމުން، މި ދެވަނަ އިޞްދާރުން ދައްކުވައިދެނީ ޒަކާތުގެ އައު ޤާނޫނާއެކު މި ދާއިރާއަށް އައިސްފައިވާ ބޮޑެތި ބަދަލުތަކާއި ހެޔޮ ކުރިއެރުންތަކެވެ. އަދި ޒަކާތުގެ އިދާރީ ކަންކަން ހިންގުމުގައި ބޭނުންވާ ޝަރުޢީ އަދާހަމަ މިންގަނޑުތައް ވެސް މި ފޮތުން ސާފުކޮށް ފޯރުކޮށްދެއެވެ.
މި ފޮތަކީ ޒަކާތް ނެގުމާއި، ބެލެހެއްޓުމާއި، އަދި ބެހުމުގެ އެންމެހައި މަސައްކަތްތަކުގައި ޝާމިލުވާ މުއައްސަސާތަކަށާއި ވަކިވަކި ފަރުދުންނަށް ވެސް ނުހަނު ބޭނުންތެރި، އަގުހުރި ރެފަރެންސަކަށް ވެގެންދާނެއެވެ. އަދި މީގެ ސަބަބުން ޝަރުޢީ މިންގަނޑުތަކާ އެއްގޮތަށް، ދެފުށް ފެންނަ ހަމަހަމަ އުޞޫލުތަކެއް ޤާއިމުކުރުމަށް މަގުފަހިވެގެންދާނެއެވެ.
މި ފޮތް މިހާރު މޯލްޑިވްސް ޒަކާތު ހައުސްގެ ވެބްސައިޓުން ޑައުންލޯޑް ކުރެވެން ހުންނާނެއެވެ.(ފޮތުގެ ލިންކް:
