ރިސޯޓުތަކަށް ލިބޭ އާމްދަނީގެ 40 އިންސައްތަ ޑޮލަރު މާރުކުރަންޖެހޭ ގޮތަށް ސަރުކާރުން ގެނައި ބަދަލަކީ އެ ސިނާއަތަށް އުފުލޭނެވަރުގެ ބުރައެއް ނޫން ކަމަށާއި އެކަމާ ދެކޮޅަށް ރިސޯޓުތަކުން ތެދުވާންޖެހޭ ކަމަށް ކުރީގެ ރައީސް އަބްދުﷲ ޔާމީން ރޭ ވިދާޅުވެއްޖެ އެވެ.
ފުވައްމުލަކުގައި ރޭ ބޭއްވި ޕީއެންއެފްގެ ޖަލްސާއެއްގައި ވާހަކަފުޅުދައްކަވަމުން ކުރީގެ ރައީސް އަބްދުﷲ ޔާމީން ވިދާޅުވީ، ރިސޯޓުތަކަށް ލިބޭ ބޭރު ފައިސާގެ އާމްދަނީގެ ބޮޑު އިންސައްތައެއް މަޖުބޫރުން މާރުކުރުމަކީ ވިޔަފާރިތަކަށް ބޮޑު ނިކަމެތިކަމެއް ލިބޭނެ ކަމެއް ކަމަށެވެ. އަދި މި ފިޔަވަޅަކީ ރިސޯޓު އިންޑަސްޓްރީއާ އެއްވެސް ވަރަކަށް މަޝްވަރާކުރުމެއް ނެތި ސަރުކާރުން ނިންމާފައިވާ ނިންމުމެއް ކަމަށް އެމަނިކުފާނު ފާހަގަކުރެއްވި އެވެ.
ރާއްޖޭގައި ހިންގާ ރިސޯޓުތައް ތަރައްގީކުރުމަށާއި ހިންގުމަށް ވިޔަފާރިވެރިން ބޭރުން ނަގާފައިވާ ބޮޑެތި ލޯނުތައް އަދާކުރަންޖެހެނީ ޑޮލަރުން ކަމަށްވާއިރު، ލޮޖިސްޓިކް އެކި ބޭނުންތަކަށް ވެސް ބޭރު ފައިސާ ބޭނުންވާކަމަށް ޔާމީން ވިދާޅުވި އެވެ.
ސަރުކާރުން ގެނައި މި ބަދަލުގެ ސަބަބުން ރިސޯޓުތަކަށް ބޮޑެތި ގެއްލުންތަކާ ކުރިމަތިލާންޖެހޭނެ ކަމަށާއި، މިކަމުގައި ވަކިވަކި ރިސޯޓުތަކުން ކެރިގެން ނުކުމެ މިކަމާ ދެކޮޅުކަން ހާމަކުރަންޖެހޭނެ ކަމަށް އެމަނިކުފާނު ގޮވާލެއްވި އެވެ.
”ކޮންމެ ރިސޯޓަކުން އެބަ ޖެހޭ ބުނަން ތިމަންނަމެންނަކަށް މި ކަން ނުކުރެވޭނެއޭ. ހުރިހާ ރިސޯޓްތަކަށް މި ކަމުން ވާނީ ގެއްލުން. ރިސޯޓްތައް ބަންދުކުރިއަސް އެ މީހުންނަށް ލިބޭ ގެއްލުން ކުޑަކުރެވޭ،“ ޔާމީން ވިދާޅުވި އެވެ.
މި މައްސަލާގައި ޓޫރިޒަމް އިންޑަސްޓްރީ ތަމްސީލުކުރާ މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ، މަޓީން އެކަނި މި މަސައްކަތް ކުރުމަށް ދޫކޮށްނުލައި، ހުރިހާ ރިސޯޓުތަކެއް ގުޅިގެން މިކަމާ ދެކޮޅަށް އަޑުއުފުލަންޖެހޭ ކަމަށް ޔާމީން ވިދާޅުވި އެވެ.
ޔާމީން ވިދާޅުވީ ދުރުދުރުމަގަށް ނުވިސްނައި ސަރުކާރުން އަޅާ މިފަދަ ފިޔަވަޅުތަކުގެ ސަބަބުން ރިސޯޓުތައް ބަންދުކުރަންޖެހޭ ހާލަތަކަށް ވެސް ގޮސްދާނެ ކަމަށެވެ.
ރައްޔިތުންގެ މިލްކިއްޔާތުކަންޅަންކޮއްލައިގެން ރައްޔިތުންނަށް ފުރަށްސާރައަޢި މަލާމާތްކުރީމަ ބަލައެއްނުގަންނަން،