މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) ގެ 2025 ވަނަ އަހަރުގެ ހިއްސާގެ ފައިދާގެ ގޮތުގައި، ހިއްސާއަކަށް 3 ރުފިޔާ ބެހުމަށް އެ ކުންފުނީގެ ޑިރެކްޓަރުންގެ ބޯޑުން ނިންމައިފިއެވެ.
އެމްޓީސީސީން ހާމަކޮށްފައިވާ ގޮތުގައި، މި ހިނގާ އޮގަސްޓް މަހުގެ 23 ވީ އާދިއްތަ ދުވަހު ބޭއްވި އެ ކުންފުނީގެ ޑިރެކްޓަރުންގެ ބޯޑު ބައްދަލުވުމުގައި ނިންމާފައިވަނީ، ހިއްސާގެ ފައިދާގެ ގޮތުގައި ޖުމްލަ 24,113,247.00 ރުފިޔާ ބެހުމަށެވެ.
މި ނިންމުން ފާސްކުރުމަށްޓަކައި ހުށަހެޅުމަށް ހަމަޖެހިފައިވަނީ ކުންފުނީގެ 2025 ވަނަ އަހަރުގެ އަހަރީ އާންމު ޖަލްސާއަށެވެ.
މި ފައިދާ ލިބޭނެ ފަރާތްތަކާ ގުޅޭގޮތުން އެމްޓީސީސީން ކޮށްފައިވާ އިއުލާނުގައި ބުނެފައިވަނީ، އަންނަ ސެޕްޓެމްބަރު މަހުގެ 28 ވަނަ ދުވަހުގެ ނިޔަލަށް އެ ކުންފުނީގެ ހިއްސާދާރުންގެ ދަފްތަރުގައި ރަޖިސްޓްރީވެފައިވާ ހުރިހާ ފަރާތްތަކަށް ވެސް ފައިދާ ލިބޭނެ ކަމަށެވެ.
