އިންޑިއާގެ މުމްބާއީގައި ބާއްވަން ތައްޔާރުވަމުންދާ ’ގަނޭޝާ‘ އުފާފާޅުކުރުމުގެ ތެރެއިން، 22 ފޫޓުގެ ބޮޑު ބުދެއް ގެންދަނިކޮށް ވެއްޓި، 2 މީހުން މަރުވެ 5 މީހަކު ޒަޚަމްވެއްޖެއެވެ. މި ހާދިސާ ހިނގާފައިވަނީ ދެކުނު މުމްބާއީގެ ބޫލޭޝްވަރު ސަރަހައްދުގައި ’ބޫލޭޝްވަރަޗާ ރާޖާ‘ ގެ ނަމުން ނަންދެވިފައިވާ އެ ބޮޑު ބުދު، އުފާފާޅުކުރުމާއެކު މަގުމަތިން ގެންދިޔަ ވަގުތުއެވެ.
މި ހާދިސާގައި މަރުވެފައިވަނީ މި ބުދު ގެންދިޔަ ކޮމިޓީގެ ރައީސް ސަންކެތު ނެވްޝޭ (33 އހ) އާއި ބްރިޖޭޝް ޖޯޝީ (30 އހ) އެވެ. ޒަޚަމްވި 5 މީހުންގެ ތެރޭގައި 5 އަހަރާއި 7 އަހަރުގެ ދެ ކުޑަކުދިންވެސް ހިމެނެއެވެ. ގާތްގަނޑަކަށް 3،000 ކިލޯގްރާމް ބަރުދަން ހުރި މި ބުދު ވެއްޓެން މެދުވެރިވީ، އެ ބުދު ހިފަހައްޓަން ޖަހާފައިވާ ދަގަނޑު ފްރޭމްގެ ވެލްޑިންގް ނެއްޓި، ބުދުގެ ބެލެންސް ގެއްލުމުގެ ސަބަބުންނެވެ.
Two people were killed and five others injured after a massive Ganesha idol fell onto a crowd during a procession in Mumbai, India.
Devotees carry these idols through the streets before immersing them in the Arabian Sea as part of the annual 10-day Ganesh Chaturthi festival. pic.twitter.com/yaF6cJC4OU
— Al Jazeera English (@AJEnglish) August 23, 2026
މީފުލުހުންނާއި އިމަރޖެންސީ ޓީމުތަކުން ވަނީ ހާދިސާ ހިނގި ސަރަހައްދަށް ގޮސް ޒަޚަމްވި މީހުން ހޮސްޕިޓަލަށް ގެންގޮސްފައެވެ. އަދި ބުދުގެ ރައްކާތެރިކަން ކަށަވަރުނުކޮށް ގެންދިޔަ މައްސަލަ ފުލުހުން ދަނީ ތަޙުޤީޤުކުރަމުންނެވެ.
