އިސްލާމިކް ޔުނިވަރސިޓީ އޮފް މޯލްޑިވްސް (އައިޔޫއެމް) އިން އިންތިޒާމުކުރާ 11 ވަނަ އިންޓަރނޭޝަނަލް ކޮންފަރެންސް އޮން އިންޓެލެކްޗުއަލް އެޑްވާންސްމަންޓް (އައިސީއައިއޭ) ގެ ޕްލެޓިނަމް ޕާޓްނަރެއްގެ ގޮތުގައި ބޭންކް އޮފް މޯލްޑިވްސް (ބީއެމްއެލް) ހަމަޖައްސައިފިއެވެ.
މި ކޮންފަރެންސް އޮންނާނީ މި މަހުގެ 30 ވަނަ ދުވަހުން ފެށިގެން 31 ވަނަ ދުވަހުގެ ނިޔަލަށެވެ. މިއީ 2016 ވަނަ އަހަރުން ފެށިގެން ކޮންމެ އަހަރަކު ވެސް އެއްފަހަރު ބާއްވަމުން އަންނަ ކޮންފަރެންސްއެކެވެ.
We’re delighted to become the Platinum Partner of the 11th International Conference on Intellectual Advancement (ICIA), organised by the Islamic University of Maldives (IUM).
The conference will be held from 30th to 31st August 2026. Since 2016, ICIA has served as a platform for… pic.twitter.com/btGJoWuxO8
— Bank of Maldives (@bankofmaldives) August 20, 2026
ބީއެމްއެލްއިން ބުނި ގޮތުގައި މިއީ އިލްމީ މައުލޫމާތު ހިއްސާކުރުމާއި، ފިކުރީ ބަހުސްތައް ކުރިއެރުވުމުގެ އިތުރުން ހެކީގެ މައްޗަށް ބިނާކޮށް ކުރެވޭ އަމަލީ މަސައްކަތްތައް ރާއްޖޭގައި ފުޅާކުރުމަށް ފުރުސަތު ފަހިކޮށްދޭ ޕްލެޓްފޯމެކެވެ.
ފާހަގަކޮށްލެވޭ ގޮތުގައި ބީއެމްއެލްއިން ވަނީ ރާއްޖޭގެ ތައުލީމީ ދާއިރާ އާއި ދިރާސާކުރުމުގެ ނިޒާމު މިހާރަށްވުރެ ބޮޑަށް ހަރުދަނާ ކުރުމަށާއި، ފިކުރީ ތަރައްގީއަށް މަގުފަހިކޮށްދޭ އެކި ހަރަކާތްތަކަށް އެއްބާރުލުން ދިނުމުގައި އަބަދުވެސް ދެމިއޮންނާނެ ކަމުގެ ޔަގީންކަން ދީފައެވެ.
