ރާއްޖޭގައި އާރޓްސް ސްކޫލެއް އެޅުމުގެ މަސައްކަތް ވަރަށް އަވަހަށް ފައްޓަވާނެ ކަމަށް މިނިސްޓަރ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް, އިބްރާހީމް ވަޙީދު ވިދާޅުވެއްޖެއެވެ.
ރާއްޖޭގައި ބައިނަލްއަގުވާމީ ފެންވަރުގެ އާރޓްސް ސްކޫލެއް އެޅުމަކީ ރައިސް ޑރ. މުޙާއްމަދު މުޢިއްޒުގެ މެނިފެސްޓޯގައި ވެސް ހިމެނިފައިވާކަމެކެވެ.
އެގޮތުން އިއްޔަ ކުރިއަށްދިޔަ ނޫސްވެރިންގެ ބައްދަލުވުމުގައި ވާހަކަ ދައްކަވަމުން މިނިސްޓަރ ވިދާޅުވީ ރާއްޖެއަށް އާރޓްސް ސްކޫލެއްގެ ބޭނުން ވަރަށް ބޮޑު ކަމަށާއި، އަދި ރާއްޖޭގައި އާރޓްސް ސްކޫލެއް ގާއިމު ކުރުމުގެ މަސައްކަތް ވަރަށް އަވަހަށް ފައްޓަވާނެ ކަމަށެވެ.
އެމަސައްކަތް އަޅުގަނޑުމެން ވަރަށް އަވަހަށް ފަށާނަން، ރާއްޖޭގެ އާރޓްސް ކުރިއެރުވުމަށްޓަކައި ރަނގަޅު ފެންވަރުގެ އާރޓްސް ސްކޫލެއް ބައިނަލްއަގުވާމީ ފެންވަރުގައި ގަބޫލުކުރާ އާރޓްސް ސްކޫލެއް އަޅުގަނޑުމެން ރާއްޖޭގައި ގާއިމުކުރާނަން.
– މިނިސްޓަރ އިބްރާހީމް ވަޙީދު ވިދާޅުވިއެވެ.
މިނިސްޓްރީގެ ފަރާތުން މިއަދުު ކުރިއަށް ގެންދެވުނު ނޫސްވެރިންގެ ބައްދަލުވުމުގެ ތެރެއިން. މި ބައްދަލުވުމުގައި މީޑިއާ ވިލެޖާއި، އާރޓް ސްކޫލް އަދި އެންޖީއޯ ފޯރަމްއާއި ގުޅޭގޮތުން ނޫސްވެރިންނަށް މައުލޫމާތު ދެއްވި. pic.twitter.com/MwjisPMsPY
— Ministry of Youth Empowerment, Information and Art (@YouthGovMv) May 22, 2024
މިބައްދަލުވުމުގައި މިނިސްޓަރ ވަނީ އާރޓްސް ސްކޫލުގެ އަދި މީޑިއާ ވިލެޖުގެ އިތުރުން އެންޖީއޯ ފޯރަމް އާ ގުޅޭގޮތުން ވެސް ނޫސްވެރިންނަށް މައުލޫމާތު ފޯރުކޮށްދެއްވާފައެވެ. އެގޮތުން މީޑިއާ ވިލެޖުގެ މަސައްކަތް ނިންމާލެވޭއިރު ނޫސްވެރިކަމުގެ މުޅިން އާ މިސްރާބަކަށް ދެވޭނެ ކަމަށާއި، އަދި ޖަމްޢިއްޔާތަކުގެ މަހާސިންތާ އަންނަ ހޮނިހިރު ދުވަހު ގއ. ވިލިނގިލީގައި ފަށަން ތައްޔާރުވެފައިވާކަމަށް މިނިސްޓަރ ފާހަގަކުރެއްވިއެވެ.
