އިންޑޮނޭޝިއާގެ ފްލޯރެސް ސަރަޙައްދަށް 5.9 މެގްނިޓިއުޑްގެ ބިންހެލުމެއް އަތުވެއްޖެ ކަމަށް ޔޫރޯ-މެޑިޓަރޭނިއަން ސައިސްމޮލޮޖިކަލް ސެންޓަރު (އީއެމްއެސްސީ) އިން ހާމަކޮށްފިއެވެ. މި ބިންހެލުން އައިސްފައިވަނީ ކަނޑުގެ 10 ކިލޯމީޓަރު އަޑިންނެވެ. މި ހާދިސާއާ ގުޅިގެން ސުނާމީގެ އިންޒާރެއް ނެރެފައެއް ނުވެއެވެ.
އީއެމްއެސްސީ އަދި ޖަރމަން ރިސާޗް ސެންޓަރު (ޖީއެފްޒެޑް) އިން ބުނި ގޮތުގައި ބޫކަމްޕް އައިސްފައިވަނީ އީސްޓް ނޫސާ ޓެންގާރާ ޕްރޮވިންސްގެ ފްލޯރެސް ސަރަޙައްދަށެވެ. މި ބިންހެލުމަކީ އޮގަސްޓް 15 ގައި އެ ސަރަޙައްދަށް އައި 7.7 މެގްނިޓިއުޑްގެ ވަރުގަދަ ބިންހެލުމަށްފަހު އަންނަމުންދާ ލޮޅުންތަކުގެ (އާފްޓަރޝޮކް) ތެރެއިން އައި ލޮޅުމެކެވެ.
ކުރިން އައި ބިންހެލުމުގެ ސަބަބުން 70 އަށްވުރެ ގިނަ މީހުން މަރުވެ، 1,100 އަށްވުރެ ގިނަ މީހުން ޒަޚަމްވެފައިވާއިރު، 19,000 އަށްވުރެ ގިނަ މީހުން ވަނީ ވަގުތީ ފޭލިގެތަކުގައި ހިޔާވަހިކަން ހޯދާފައެވެ. އިންޑޮނޭޝިއާގެ ކަމާބެހޭ އިދާރާތަކުން ދަނީ ވަޔާއި ކަނޑުމަގުން އެކަހެރި ސަރަޙައްދުތަކަށް އެހީ ފޯރުކޮށްދެމުންނެވެ.
