މޯލްޑިވްސް ޕޯސްޓް މެދުވެރިކޮށް ރާއްޖެއަށް އެތެރެކުރަން އުޅުނު ގިނަ އަދަދެއްގެ މަސްތުވާތަކެތި އަތުލައިގަނެފިއެވެ.
މިކަމާ ގުޅިގެން މޯލްޑިވްސް ކަސްޓަމްސް ސަރވިސްއިން ބުނެފައިވަނީ، މި ތަކެތި އަތުލައިގެންފައިވަނީ މިމަހު 15 ވަނަ ދުވަހުގައި ކަމަށެވެ. އަތުލައިގަތީ 3252 ގުރާމުގެ ކެނަބިސް ކަމަށް ވެސް ކަސްޓަމްސްއިން ވަނީ މައުލޫމާތުދީފައެވެ.
15 އޮގަސްޓް 2026 ވަނަ ދުވަހު ޕޯސްޓް މެދުވެރިކޮށް ރާއްޖެއެތެރެކުރަން އުޅުނު 3.2 ކިލޯއަށްވުރެ ގިނަ މަސްތުވާތަކެތި ކަސްޓަމްސްއިން އަތުލައިގެންފި.
🔹ބާވަތް: ކެނަބިސް
🔹 ބަރުދަން: 3252 ގްރާމް pic.twitter.com/XpwgC9telk— Maldives Customs Service (@CustomsMv) August 17, 2026
ކަސްޓަމްސްއިން ބުނީ މި ތަކެތި އަތުލައިގަނެފައިވަނީ ޕޯސްޓް މެދުވެރިކޮށް ރާއްޖެ ގެނެސްފައިވާ ޕެކޭޖެއް ބަލައި ފާސްކުރަމުން ދިޔައިރު، އޭގެތެރޭގައި މަސްތުވާތަކެތި ފޮރުވާފައި ހުރިކަމަށް، ކަސްޓަމްސްއަށް ޝައްކު ކުރެވިގެން އިތުރަށް ޗެކް ކުރުމުގެ ތެރޭގައި ކަމަށެވެ.
ރާއްޖެއަށް މަސްތުވާތަކެތި އެތެރެވުން ހުއްޓުވުމަށްޓަކައި ސަރުކާރުން ކުރަމުންދާ މަސައްކަތްތަކުގެ ދަށުން، ބޯޑަރު ބެލެހެއްޓުމުގެ ނިޒާމު މިހާރު ވަނީ ކުރިއަށްވުރެ ހަރުދަނާކޮށްފައެވެ. މީގެ އިތުރުން މަސްތުވާތަކެތީގެ ވިޔަފާރި ހުއްޓުވުމަށް ކަމާބެހޭ މުއައްސަސާތަކުން އަންނަނީ ހާއްސަ ސަމާލުކަމެއްދީގެން މަސައްކަތްތަކެއް ވެސް ކުރަމުންނެވެ.
