ރަޝިއާއާއި ޔޫކްރޭނާ ދެމެދު ކުރިއަށްދާ ހަނގުރާމައަށް 5 އަހަރު ފުރެން ކައިރިވެފައިވަނިކޮށް، ދެ ގައުމުން ބަދަލުކުރި ވަރުގަދަ މިސައިލާއި ޑްރޯން ޙަމަލާތަކެއްގައި މަދުވެގެން 27 މީހުން މަރުވެއްޖެއެވެ.
ޔޫކްރޭނުގެ ޑްރޯން ޙަމަލާތަކުގެ މޮސްކޯ ސަރަހައްދުން 5 މީހުން، ކްރަސްނޯޑާރުގެ ރިސޯޓު ސަރަހައްދުން 3 ކުޑަކުދިން ހިމެނޭހެން 7 މީހުން އަދި ކްރައިމިއާއާއި ބެލްގޮރޯޑުން 4 މީހުން ވަނީ މަރުވެފައެވެ. މީގެ އިތުރުން ރަޝިއާގެ ’ވައިލްޑްބެރީސް‘ ވާހައުސްތަކަށްވެސް ޔޫކްރޭނުން ޙަމަލާދީފައިވެއެވެ.
ރަޝިއާގެ ޙަމަލާތަކުގައި ދިނިޕްރޯޕެޓްރޯވްސްކްގެ ތެޔޮޝެޑަކަށް ދިން ޙަމަލާއެއްގައި ސަލާމަތްކުރާ އެޖެންޓަކާއި އޭނާގެ 8 އަހަރުގެ ދަރިފުޅު ހިމެނޭހެން 3 މީހުން މަރުވިއެވެ. އަދި ޒަޕޮރީޒިއާއަށް ދިން ހަމަލާތަކުގައި 8 މީހުން މަރުވިއެވެ.
މީގެ އިތުރުން ޔޫކްރޭނުގެ ރައީސް ޒެލެންސްކީ އެމެރިކާގެ ރައީސް ޓްރަމްޕާއެކު ބޭއްވި ބައްދަލުވުމަށްފަހު، ޔޫކްރޭނުގައި ’ޕެޓްރިއޮޓް‘ ދިފާއީ މިސައިލް އުފެއްދުމަށް ދޭން އުޅުނު ހުއްދަ ދިނުމަށް އެމެރިކާއިން ވަނީ ފަސްޖެހިފައެވެ.
