ހުޅުމާލެ ފޭސް 2 ގައި ހުންނަ އެސްޓީއޯ ޓަވަރު ބީގެ އެޕާޓްމަންޓެއްގައި ހުރި އެގްޒޯސްޓް ސިސްޓަމެއްގައި ރޯވެ އަލިފާނުގެ ހާދިސާއެއް ހިނގައިފިއެވެ.
މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާކަމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ކަށަވަރުކޮށްދެއެވެ.
މިއަދު ހަވީރުގެ ވަގުތެއްގައި ހިނގި މި ހާދިސާގެ މައުލޫމާތު ލިބުމާއެކު، ސިފައިންގެ ފަޔަރ އެންޑް ރެސްކިއު ޓީމުން ވަނީ ވަގުތުން އެ ސަރަހައްދަށް ގޮސް އަލިފާންގަނޑު ނިއްވުމުގެ މަސައްކަތް ކޮށްފައެވެ. ސިފައިން ކުރި މަސައްކަތުން މިހާރު އެ އަލިފާންގަނޑު ވަނީ މުޅިން ނިއްވާލާފައެވެ.
މި ހާދިސާ ހިނގަން މެދުވެރިވި ސަބަބު ދެނެގަތުމަށްޓަކައި ކަމާބެހޭ އިދާރާތަކުން މިހާރު ދަނީ އިތުރަށް ބަލަމުންނެވެ.
