މޫސުން ގޯސްވެ ވައިގަދަވުމުގެ ސަބަބުން ވެލާނާ އިންޓަނޭޝަނަލް އެއާޕޯޓަށް (ވީއައިއޭ) ބައެއް ފްލައިޓްތައް ނުޖެއްސި، ބައިނަލްއަގުވާމީ ގިނަ އެއާލައިންތަކެއް މިއަދު ޑިލޭވެއްޖެއެވެ.
މޫސުމީ ރިޕޯޓްތައް ދައްކާގޮތުން، އެއާޕޯޓް ސަރަހައްދަށް ބޯކޮށް ވާރޭވެހި ވައި ގަދަވުމުގެ ސަބަބުން އެރޯފްލޮޓް، ގަތަރު އެއާވޭސް، ސްރީލަންކަން އެއާލައިންސް، އިންޑިގޯ އަދި ފިޓްސް އެއާގެ ފްލައިޓްތައް ވަނީ ނުޖެއްސިގެން އެއާޕޯޓް ކައިރީގައި ވައިގެ ތެރޭގައި މަޑުކުރަން ޖެހިފައެވެ.
މީގެ އިތުރުން، ދުބާއީން މާލެއަށް ދަތުރުކުރި ފްލައި ދުބާއީގެ ފްލައިޓް މޫސުން ގޯސްވުމުގެ ސަބަބުން މިހާރު ވަނީ ސްރީލަންކާގެ ކޮލަމްބޯއަށް ޑައިވާޓްކޮށްފައެވެ. މިގޮތަށް ނިންމާފައިވަނީ ރަންވޭއަށް ބޯޓު ޖެއްސޭވަރަށް ވުރެ މޫސުން ގޯސްވުމުގެ ސަބަބުންނެވެ.
Aeroflot, Qatar Airways, Sri Lankan Airlines, IndiGo, and FitsAir currently holding near Velana International Airport unable to land due to bad weather. Fly Dubai Flight from Dubai to Male’ is now diverting to Colombo. The current METAR from VRMM reports low visibility and winds… pic.twitter.com/5QdNUm5Gfo
— AviatorsMaldives (@AviatorsMaldive) July 31, 2026
ވެލާނާ އިންޓަނޭޝަނަލް އެއާޕޯޓުގެ މޫސުމީ މައުލޫމާތު ދޭ ’މީޓާ‘ (METAR) ރިޕޯޓްތަކުން ދައްކާ ގޮތުގައި، އެ ސަރަހައްދުގައި ފެންނަ މިންވަރު (visibility) ވަނީ ވަރަށް ބޮޑަށް ދަށްވެފައެވެ. އަދި ވައިގެ ބާރުމިން ހުރީ ގަޑިއަކު 35 ނޮޓަށް ވައިގަދަވާ (gusting) ގޮތަށެވެ.
މި ދުވަސްވަރަކީ ރާއްޖޭގެ އެކި ހިސާބުތަކަށް މޫސުން ގޯސް ދުވަސްވަރަކަށް ވުމާއެކު، ވައިގެ ދަތުރުފަތުރަށް ބުރޫއަރަމުންދާތީ ދަތުރުވެރިން ސަމާލުވުމަށް ކަމާބެހޭ ފަރާތްތަކުން އިލްތިމާސްކުރެއެވެ.
