އިސްތިއުމާރީ ހައްދުފަހަނައެޅި ދައުލަތް، އިޒްރޭލުން ފޭރިފައިވާ ބިންތަކުގައި ދިރިއުޅޭ ހަރުކަށި ފިކުރު ޔަހޫދީ ވަޒަންވެރިން ފަލަސްޠީނު މުސްލިމުންނާ ދެކޮޅަށް ނިޒާމީ ގޮތެއްގައި ދެމުންދާ ޙަމަލާތަކާ ދުއްތުރާ ތަކުގެ ތެރެއިން ނާބުލުސްގައި ހިނގި ހަމަނުޖެހުންތަކެއްގައި ފަލަސްޠީނުގެ 4 މުސްލިމުންނާއި 2 ޔަހޫދީން މަރުވުމާ ގުޅިގެން، އިޒްރޭލުގެ އަސްކަރިއްޔާއިން ވެސްޓު ބޭންކުގެ އުތުރު ސަރަހައްދުތަކާއި ނާބުލުސް ސިޓީ އެއްކޮށް ބަންދުކޮށްފިއެވެ.
ނާބުލުސް ކައިރީގައިވާ ’ތެލް‘ ރަށުގެ ދަނޑުބިމަކަށް އިޒްރޭލުގެ ނިރުބަވެރި ސިފައިންގެ ޙިމާޔަތުގައި ހަތިޔާރު އަޅައިގެން ތިބި އިޒްރޭލުގެ ހަރުކަށި ފިކުރު ޔަހޫދީންތަކެއް ޖަމާޢަތް ހަދައިގެން ވަދެގަތުމުން ފަލަސްޠީނުގެ މީހުން އެމީހުންގެ އަމިއްލަ ބިމާއި، ގެދޮރާއި މުދާތަކުގެ ދިފާޢުގައި އަނިޔާވެރިވަމުންދާ ޔަހޫދީންތައް ހުއްޓުވަން ނުކުތުމާއެކު، ހަރުކަށި ފިކުރު ޔަހޫދީންތައް ބަޑިޖަހައި ޓެރަރިޒަމްގެ ޢަމަލުތަކެއް ވަނީ ހިންގާފައެވެ. އަދި އެތަނުން ޔަހޫދީއެއްގެ އަތުން ބަޑި އަތުލައި ފަލަސްޠީނުގެ ހިތްވަރުގަދަ މުސްލިމެއް ވަނީ ރައްދުގައި ޔަހޫދީ މުޖުރިމުންނަށް ޙަމަލާދީފައެވެ. މި ޙަމަލާތަކުގައި ފަލަސްޠީނުގެ 4 މުސްލިމުން ޝަހީދުވެ، ހަރުކަށި ފިކުރު ޔަހޫދީ ސެކިއުރިޓީ ގާޑަކާއި ސިފައިންގެ މީހަކު ވަނީ މަރުވެފައެވެ.
އިޒްރޭލުގެ ހަރުކަށި ފިކުރު ޔަހޫދީ ބޮޑުވަޒީރު ބެންޖަމިން ނަތަންޔާހޫ ވަނީ ތެލް ރަށުގައިވާ ތުހުމަތުކުރެވޭ މީހުންގެ ގެތައް ބިމާހަމަކޮށް ކޮށްލުމަށާއި، ހަރުކަށި ފިކުރު ޔަހޫދީ ވަޒަންވެރިންނަށް އާ އައުޓްޕޯސްޓްތައް (ފަލަސްޠީނުގެ ބިންތައް ފޭރި އިމާރާތްކުރާ ގެތައް) ހެދުމުގެ ހުއްދަ ދިނުމަށް އަމުރުކޮށްފައެވެ. އަދި ޔަހޫދީ ނިރުބަވެރި ދައުލަތުގެ ހައްދުފަހަނައެޅި ފިނޭންސް މިނިސްޓަރު ބެޒަލެލް ސްމޮޓްރިޗު ވަނީ ތެލް އަދި ކައިރި ރަށްތައް އެއްކޮށް ބިމާ ހަމަކޮށް ރެެފިއުޖީ ކޭމްޕުތަކަށް ހެދުމަށް ގޮވާލާފައެވެ.
🚨🚨NOW: Jewish Pogromists (Armed Settler-Soldier militas) are committing pogroms throughout the north West Bank, killing and burning Palestinians.
This footage is from Far'ata, south west of Nablus, near Qalqilya. Difficult footage. pic.twitter.com/WCJH3SOWYv
— Jalal 𓂆 (@JalalAK_jojo) July 24, 2026
މި ހާދިސާއާއެކު އިޒްރޭލުގެ މުޖުރިމު ސިފައިން ވަނީ ނާބުލުސްގެ މަގުތައް ބަންދުކޮށް، ގިނައަދަދެއްގެ ސިފައިން ވަދެގަނެ ފުޅާ އަސްކަރީ އޮޕަރޭޝަނެއް ފަށާފައެވެ.
