މެދުއިރުމަތީގެ ހަނގުރާމައިގެ ތެރެއިން ޔަމަނުގެ ހޫޘީ ޖަމާއަތުން ރަތްކަނޑުން ދަތުރުކުރި ސަޢޫދީ ޢަރަބިއްޔާގެ ދެ ތެޔޮ ބޯޓަކަށް ވަރުގަދަ މިސައިލް އަދި ޑްރޯން ހަމަލާތަކެއް ދީ، އެ ދެ ބޯޓުގައި އަލިފާން ރޯކޮށްލައިފިއެވެ.
بيان القوات المسلحة اليمنية بشأن تنفيذ عملية عسكرية نوعية استهدفت سفينتين نفطيتين سعوديتين إحداهما تحمل اسم "ENCELIA" والأخرى "LAYLA"لمخالفتهما قرار الحظر الصادر عن عن القوات المسلحة.
وذلك بعدد من الصواريخ الباليستية والمجنحة والطائرات المسيرة. pic.twitter.com/EelTc6hQng— العميد يحيى سريع (@Yahya_Saree) July 22, 2026
ހޫޘީ އަސްކަރިއްޔާގެ ތަރުޖަމާނު ޔަޙްޔާ ސަރީޢު ކަށަވަރުކޮށްދިން ގޮތުގައި، ހަމަލާދީފައިވަނީ ސައުދީގެ ”އެންސެލިއާ“ އަދި ”ލައިލާ“ ނަމަކަށް ކިޔާ ދެ ތެޔޮ ބޯޓަށެވެ. އިނގިރޭސިވިލާތުގެ މެރިޓައިމް ޓްރޭޑް އޮޕަރޭޝަންސް އިން ބުނިގޮތުގައި، ސަޢޫދީގެ އަލް-ޝުޤައިޤް ސިޓީގެ ހުޅަނގުދެކުނުން 70 ނޯޓިކަލް މޭލު ބޭރުން ’އެންސެލިއާ‘ ބޯޓަށް މިސައިލެއް އަމާޒުވެ، ބޯޓުގައި ބޮޑު އަލިފާންގަނޑެއް ވަނީ ރޯވެފައެވެ.
ހޫޘީން ބުނީ މި ޙަމަލާތަކަކީ ސަޢޫދީގެ ބަނދަރުތަކާ ދެކޮޅަށް އެމީހުން ޢިއުލާނުކޮށްފައިވާ ކަނޑުގެ ބްލޮކޭޑާ ސަޢޫދީ ބޯޓުތަކުން ޚިލާފުވުމުން ދިން ރައްދު ޙަމަލާތަކެއް ކަމަށެވެ. ހުރުމުޒު ކަނޑުއޮޅި ބަންދުވެފައިވުމުން، ސަޢޫދީން ދުވާލަކު 4.9 މިލިއަން ބެރަލްގެ ތެޔޮ އެކްސްޕޯޓް ކުރަނީ ހުޅަނގުގެ ރަތްކަނޑުގައިވާ ޔަންބޫ ބަނދަރު މެދުވެރިކޮށެވެ. ނަމަވެސް، ހޫޘީން ބާބު އަލް-މަންދަބް ކަނޑުއޮޅި ކައިރިން ސަޢޫދީ ބޯޓުތަކަށް ހަމަލާދޭން ފެށުމާއެކު، ސަޢޫދީގެ މައި ދެ ތެޔޮ މަގުވެސް މިވަނީ އެއްކޮށް ބަންދުވުމުގެ ނުރައްކަލުގެ ތެރޭގައެވެ. މިއާއެކު ދުނިޔޭގެ ތެލުގެ ބާޒާރުގައި ތެޔޮ ފީފާއެއްގެ އަގު ވަނީ 95 ޑޮލަރަށްވުރެ މައްޗަށް އުފުލިފައެވެ.
