ޣައްޒާގެ މެދުތެރޭގައިވާ ނުޞޭރާތު ރެފިއުޖީ ކޭމްޕަށް ހައްދުފަހަނައެޅި ޔަހޫދީ އިސްތިއުމާރީ ދައުލަތް، އިޒްރޭލުގެ އަންމޭންޑް އޭރިއަލް ވެހިކަލް (ޑްރޯން) އަކުން ދިން ނިރުބަވެރި ޙަމަލާއެއްގައި މަދުވެގެން އެކަކު މަރުވެ، އިތުރު ބަޔަކު ޒަޚަމްވެއްޖެއެވެ.
އަލް-އަޤްޞާ މާޓިއާސް ހޮސްޕިޓަލުން ކަށަވަރުކޮށްދީފައިވާ ގޮތުގައި، މި ލާއިންސާނީ ޙަމަލާ ދީފައިވަނީ ނުޞޭރާތު ކޭމްޕުގެ އާންމުން އެއްވެ އުޅުނު މަގަކަށް ޑްރޯނަކުން މިސައިލެއް ފޮނުވާލައިގެންނެވެ.
މި ނިރުބަވެރި ޙަމަލާގައި އެކަކު މަރުވެފައިވާއިރު، ޒަޚަމްވި މީހުންނަށް ދަނީ އަލް-އަޤްޞާ ހޮސްޕިޓަލުގައި ފަރުވާދެމުންނެވެ. ވޭތުވެދިޔަ ތިން އަހަރެއްހާ ދުވަހުގެ ތެރޭގައި އިޒްރޭލުން ޣައްޒާއަށް ދެމުންދާ ނިރުބަވެރި ޙަމަލާތަކުގައި ޝަހީދުވި ފަލަސްޠީނު މީހުންގެ ޖުމްލަ އަދަދު މިހާރު ވަނީ 73,300 އަށްވުރެ މައްޗަށް އަރާފައެވެ.
ހައްދުފަނައަޅާފައިވާ ނިރުބަވެރި ޔަހޫދީ ދައުލަތުގެ ޑްރޯންތައް އަދިވެސް ނުޞޭރާތު އަދި ބުރައިޖް ކޭމްޕް މަތީގައި ދަނީ ބުރުޖަހަމުންނެވެ.
