މި ދުވަސްވަރު ޑެންގީ ހުން ޖެހިގެން ރިޕޯޓުކުރާ މިންވަރު އިތުވެފައިވާތީ، ސަމާލުވާން އެދިއްޖެއެވެ.
އައިޖީއެމްއެޗްގެ ކުޑަކުދިންގެ ހާއްސަ ޑޮކްޓަރު، ޑރ. އަހްމަދު ފައިސަލް ވިދާޅުވީ ޑެންގީ ޖެހިގެން 6 ކުއްޖަކު އެޑިމިޓް ކޮށްފައިވާ އިރު، ހާލު ސީރިއަސްވާ ބައެއް ކުދިންގެ ގަޔަށް ލޭ އަޅަން ޖެހޭ ހާލަތުވެސް އަންނަ ކަމަށެވެ.
🦟 ވަރަށް ބޯ،
6 ތުއްތު 👶 އެބައޮތް ، 🦟ހަފައި ޑެންގީޖެހިގެން ބާއްވާފައި. ބައެއް 👶ނަށް 🩸🩸ވެސް އަޅަންޖެހޭ.
މިއީ ފުރާނައަށް ނުރައްކާވާ ބައްޔެއްކަން ހަނދާންނައްތާ ނުލާތި.
🦟ން ރައްކާތެރިވެލައްވާ!— Ahmed Faisal (@Faisalnaifaru) May 5, 2024
ޑެންގީ ހުމަކީ ފުރާނައަށް ނުރައްކާވާ ބައްޔެއް ކަން ހަނދާން ނައްތާނުލުމަށާއި މަދިރިން ރައްކާތެރިވުމަށް ފައިސަލް ވަނީ އިލްތިމާސް ކުރައްވާފައެވެ.
ބަލިން ރައްކާތެރިވުމަށް ކުރެވޭނެ ބައެއް ކަންކަން:
- ހަށިގަނޑު ރަނގަޅަށް ނިވާގޮތަށް ހެދުން އެޅުން
- މަދިރި ލޯޝަން، ސްޕްރޭ، ރެޕެލެންޓް ބޭނުންކުރުން
- ޑެންގީފަތުރާ މަދިރި އާލާވާ ތަންތަން ނައްތާލުން (ގެއާއި ގޯތިތެރެ، މީހުން ދިރިއުޅޭ ސަރަޙައްދުތަކުގައި ހުންނަ ފެންހަރުލާ ޒާތުގެ ތަންތަން)
- މަދިރި އެންމެ ގިނަވާ ގަޑިތައް ކަމުގައިވާ، ހެނދުނު އިރުއަރާ ގަޑިއާއި އަދި ހަވީރު އިރުއޮއްސޭ ވަގުތު ގޭގެ ދޮރުތައް ލައްޕާފައި ބެހެއްޓުން
ޑެންގީ ހުމުގެ އަލާމާތްތަކުގެ ތެރޭގައި، ގައިގައި ރިއްސުމާއި، ހުން އައުމާއި، ބޮލުގައާއި ލޮލުގައި ރިއްސުމާއި އަދި ހަމުގައި ކުދި ބިހިތައް ނެގުން ހިމެނެއެވެ.
