ޣައްޒާ ސިޓީގެ ސަބްރާ އަވަށުގައި ހުރި އިމާރާތަކަށް ޣައިރު ޤާނޫނީ ނިރުބަވެރި ދައުލަތް، އިޒްރޭލުން ދިން ރަޙުމުކުޑަ ވައިގެ ޙަމަލާއެއްގައި، އެގޭގައި ނިދާފައި ތިބި އެއް އާއިލާއެއްގެ 6 މީހުން ޝަހީދުވެ، މުޅި ގޭގައި އަލިފާންރޯވެ އަނދައިފިއެވެ.
An entire family was burned alive before dawn on Tuesday when an Israeli occupation strike hit their home on al-Thalathini Street in the Sabra neighbourhood of Gaza City, setting the house on fire at around 2:50 a.m. Firas Ahmed al-Masri, his wife Salsabeel, and their four… pic.twitter.com/7HgXpSFjv2
— Translating Falasteen (Palestine) (@translatingpal) July 21, 2026
މި ޙަމަލާގައި މަރުވެފައިވަނީ އަލް-މަޞްރީ އާއިލާގެ 6 މީހުންނެވެ. އެއީ ބައްޕަ ފިރާސް އަޙްމަދު އަލް-މަޞްރީ، މަންމަ ސަލްސަބީލް މުޙައްމަދު އަލް-މަޞްރީ އަދި ހަތަރު ކުދީން (ނައީމް، ފެރިޔާލް، ސަލްމާ، އަދި އާމިރާ).
ސިވިލް ޑިފެންސް އޮފިޝަލުން މަޢުލޫމާތު ދީފައިވާ ގޮތުގައި، މި ނިރުބަވެރި ޙަމަލާދީފައިވަނީ ރޭގަނޑު އާއިލާ ނިދާފައި ތިއްބައެވެ. ޙަމަލާއާއެކު މުޅި ގޭގައި ބޮޑު އަލިފާންގަނޑެއް ރޯވެ، މީހުން ސަލާމަތްކުރުމަށް ހުރަސްއެޅުނެވެ. އަލިފާން ނިއްވާލުމަށްފަހު ފެނުނު ހަށިގަނޑުތައް ވަނީ ވަރަށް ބޮޑަށް އަނދާފައެވެ.
Five Palestinians were brutally killed last night, including two children, in an Israeli airstrike on a residential apartment in the Al-Sabra neighbourhood of Gaza City. pic.twitter.com/ZtsVpqKzHg
— DOAM (@doamuslims) July 21, 2026
ޙަމަލާގެ ސަބަބުން ބުރައިގެން ދިޔަ ދަގަނޑުކެބެލިތަކާއި (ޝްރެޕްނަލް) ގޮވުމުގެ ބާރުގަދަކަމުން، ކައިރީގައިވާ ކޭމްޕްތަކުގައި ޔަހޫދީ އިސްތިއުމާރީ ދައުލަތުން ގެދޮރު ފޭރިގަނެފައި ތިބި ނިކަމެތި ފަލަސްޠީނު އާއިލާތަކުގެ ފްލާސްޓިކް ޓެންޓްތައްވެސް ވަނީ ވީދިގެން ގޮސްފައެވެ.
އިޒްރޭލުގެ ލާއިންސާނީ ނިރުބަވެރި އަސްކަރިއްޔާއިން ވަނީ ސަބްރާ އަވަށަށް ޙަމަލާދިންކަމަށް އެއްބަސްވެ، އެއީ ޙަމާސްގެ ހަނގުރާމަވެރިއަކަށް އަމާޒުކޮށް ދިން ޙަމަލާއެއް ކަމަށް ބުނެފައެވެ.
