2026 ވަނަ އަހަރުގެ ފީފާ ވޯލްޑްކަޕްގެ ފޯރިގަދަ ފައިނަލް މެޗުގައި އާޖެންޓީނާ ބަލިކޮށް، ސްޕެއިންއިން ދުނިޔޭގެ ރަސްކަން ހޯދި އިރު މުބާރާތުގެ ގިނަ އެވޯޑުތަކެއްވެސް އެޓީމުން ވަނީ ހޯދާފައެވެ. 80،000 ސަޕޯޓަރުންގެ ކުރިމަތީގައި ކުޅުނު މި މެޗު ސްޕެއިންއިން ކާމިޔާބުކުރީ 1-0 ގެ ނަތީޖާއަކުންނެވެ.
މުޅި މެޗުގައި ސްޕެއިންއިން މޮޅަށް ކުޅެމުން ދިޔަ ނަމަވެސް، މެޗުގެ ހަމައެކަނި ލަނޑު ފެނިގެންދިޔައީ އިތުރު ވަގުތުގެ 106 ވަނަ މިނެޓުގައެވެ. މި ލަނޑު ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން އެރި ފެރާން ޓޮރޭޒްއެވެ. މި ކާމިޔާބީއާއެކު ސްޕެއިންއިން ވަނީ އާޖެންޓީނާގެ އަތުން ތަށި އަތުލައި، ދުނިޔޭގެ ފުޓްބޯޅައިގެ އާ ޒަމާނަކަށް މަގުކޮށައިދީފައެވެ. މެޗަށްފަހު ވާހަކަދައްކަމުން ޓޮރޭޒް ބުނީ މިއީ 47 މިލިއަން ރައްޔިތުންގެ ލަނޑެއް ކަމަށާއި، މިއީ ހާސިލްވާން އޮތް ކާމިޔާބީއެއް ކަމަށެވެ.
ސްޕެއިން ގިނަ އެވޯޑުތަކެއް ހޯދި ނަމަވެސް މުބާރާތުގެ އެންމެ ގިނަ ލަނޑު ޖަހައިގެންދޭ ރަން ބޫޓު (ގޯލްޑަން ބޫޓް) މިފަހަރުވެސް ހޯދީ ފްރާންސްގެ ތަރި ކީލިއަން އެމްބާޕޭއެވެ.
All the records Spain broke during the World Cup:
Most clean sheets – 7
Least goals conceded – 1
Oldest Manager to win the World Cup – Luis de la Fuente
Longest unbeaten run in competitive Men’s matches – 38
🇪🇸 🇪🇸 🇪🇸
— Guinness World Records (@GWR) July 19, 2026
އުމުރުން 27 އަހަރުގެ އެމްބާޕޭ ވަނީ މި މުބާރާތުގައި 10 ލަނޑު ޖަހައި، 4 އެސިސްޓް ހަދާފައެވެ. މިއީ އޭނާ ރަން ބޫޓު ހޯދި ދެވަނަ ފަހަރެވެ. މި ކާމިޔާބީއާއެކު އެމްބާޕޭ ވަނީ ވޯލްޑްކަޕްގެ ތާރީޚުގައި އެންމެ ގިނަ ލަނޑު ޖެހި ކުޅުންތެރިޔާގެ ޝަރަފުވެސް ހޯދާފައެވެ. އޭނާ ވަނީ ޖުމްލަ 22 ލަނޑު ވޯލްޑްކަޕްތަކުގައި ކާމިޔާބުކޮށްފައެވެ. އެމްބާޕޭ މި އެވޯޑު ކަށަވަރުކުރީ ތިންވަނަ ހޮވި މެޗުގައި އިންގްލެންޑާ ދެކޮޅަށް ދެ ލަނޑު ޖަހައިގެންނެވެ. އެ މެޗު 6-4 އިން ކާމިޔާބުކުރީ އިންގްލެންޑެވެ.
މުބާރާތުގެ އެންމެ ގިނަ ލަނޑު ޖެހި ކުޅުންތެރިން:
ކީލިއަން އެމްބާޕޭ (ފްރާންސް): 10 ލަނޑު، 4 އެސިސްޓް
ލިއޮނަލް މެސީ (އާޖެންޓީނާ): 8 ލަނޑު، 4 އެސިސްޓް
ޖޫޑް ބެލިންހަމް (އިންގްލެންޑް): 7 ލަނޑު، 1 އެސިސްޓް
އާލިން ހާލަންޑް (ނޯވޭ): 7 ލަނޑު، 0 އެސިސްޓް
އޮސްމާން ޑެމްބެލޭ (ފްރާންސް): 6 ލަނޑު، 2 އެސިސްޓް
ހެރީ ކޭން (އިންގްލެންޑް): 6 ލަނޑު، 2 އެސިސްޓް
މި މުބާރާތުގެ އެހެނިހެން ވަނަތަކަށް ބަލާއިރު، ޗެމްޕިއަން ސްޕެއިންގެ ކުޅުންތެރިން ވަނީ ގިނަ އެވޯޑުތަކެއްގައި ހިމެނި، އެ ގައުމުގެ ފުޓްބޯޅައިގެ ވަރުގަދަކަން ދުނިޔެއަށް ސާބިތުކޮށްދީފައެވެ.
