އެމެރިކާއިން ޖެހިޖެހިގެން 7 ރޭ ވަންދެން އީރާނަށް ދެމުންދާ ވަރުގަދަ ވައިގެ ޙަމަލާތަކަށް ރައްދުދިނުމުގެ ގޮތުން، އީރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައިއާރުޖީސީ) އިން ބަހުރައިންގައި ހުންނަ އެމެރިކާގެ ޝެއިޚް ޢީސާ އެއާ ބޭހަށާއި ކުވައިތުގެ އަލް އަޙްމަދީ ބަނދަރަށް ވަރުގަދަ މިސައިލް އަދި ޑްރޯން ޙަމަލާތަކެއް ދީފިއެވެ.
ބަހުރައިންގެ ޝެއިޚް ޢީސާ ބޭސް
އީރާނުގެ ދައުލަތުގެ މީޑިއާތަކުން ބުނިގޮތުގައި، އެމެރިކާގެ ހަނގުރާމަމަތީ ބޯޓުތައް ބާއްވާ ހޭންގަރުތަކަށާއި، އަސްކަރީ މުވާޞަލާތީ ނިޒާމުތަކުގެ އިތުރުން ތެޔޮ ރައްކާކުރާ ޓޭންކުތަކަށް ވަނީ ސީދާ ޙަމަލާ އަރާފައެވެ. މިއާއެކު މުޅި ރޭ ބަހުރައިންގައި ވަނީ ނުރައްކަލުގެ ސައިރަން އަޅާފައެވެ.
NEW: 🚨 Operational Update: The Islamic Republic of Iran Army has officially announced a new wave of drone strikes targeting the Sheikh Isa Air Base in Bahrain. According to state media, the operation specifically targeted aircraft shelters, parking facilities, and fuel storage… pic.twitter.com/0ZAsp5M7iu
— X-K (@ConflictRadarME) July 18, 2026
ކުވައިތުގެ އަލް އަޙްމަދީ ބަނދަރު
އީރާނުން ވަނީ ކުވައިތުގެ އަލް އަޙްމަދީ ބަނދަރުގައި ހުރި އެމެރިކާ ލޮޖިސްޓިކްސްއަށް ބޭނުންކުރާ ތެޔޮ ފޯރުކޮށްދޭ ޖެޓީއަކަށް ޙަމަލާދީފައެވެ. މި ޙަމަލާތަކުގެ ސަބަބުން ކުވައިތުގެ ވައިގެ ސަރަހައްދު ވަގުތީގޮތުން ބަންދުކޮށް، ކުވައިތު އެއާވޭސްގެ ހުރިހާ ފްލައިޓްތަކެއް ވަނީ ކެންސަލްކޮށް ނުވަތަ ގަޑި ބަދަލުކޮށްފައެވެ.
🚨Iran hits US military facilities in Kuwait
The IRGC has targeted a US signals and communications center, as well as a US naval fuel-support pier at Al Ahmadi Port in Kuwait
The army of Kuwait said it was intercepting missiles and drones launched from Iran…
— Sputnik (@SputnikInt) July 18, 2026
އީރާނުގެ އަސްކަރިއްޔާއިން ބުނަނީ އެމެރިކާއިން އީރާނުގެ އެތެރޭގެ އުމްރާނީ ތަންތަނަށް ޙަމަލާދޭން އުޅޭނަމަ، ސަރަހައްދުގައި ހުރި އެމެރިކާގެ އެހެން ބޭސްތަކަށްވެސް ޙަމަލާތައް ފުޅާކުރާނެ ކަމަށެވެ.
