މިހާރު ރާއްޖެއަށްކުރަމުންދާ ވިއްސާރައިގައި އުތުރުގެ އަތޮޅުތަކަށް އިތުރަށް މޫސުން ގޯސްވެ މޫސުމާއި ބެހޭ އިދާރާއިން ރީދޫ ސަމާލު ނެރެފިއެވެ.
މޫސުމާ ބެހޭ ގައުމީ އިދާރާ، މެޓް އޮފީހުން ރީނދޫ ސަމާލު ނެރެފައި ވަނީ، ހއ އަތޮޅުން ފެށިގެން ބ އަތޮޅަށެވެ. އެ ސަރަހައްދު ތަކަށް ރީނދޫ ސަމާލު ނެރެފައި ވަނީ މިއަދުގެ 12:45 އިން މެންދުރު 17:00 އަށެވެ.
މެޓް އޮފީހުން ބުނީ، އެ ވަގުތު ތަކުގައި ގުގުރުމާއެކު ބޯކޮށް ވާރޭވެހޭނެ ކަމަށެވެ.
މީގެ އިތުރުން މެޓް އޮފީހުން ވަނީ ބޯކޮށް ވާރޭވެހި ގުގުރާނެ ކަމަށް ލަފާކޮށް ހއ އަތޮޅުން މ އަތޮޅަށް މިއަދު 10:30 އިން 16:30 ހުދު ސަމާލު ނެރެފައެވެ.
މިދުވަސްވަރު ރާއްޖެއަށް މޫސުމް ގޯސްވެފައިވާތީ، މޫސުމަށް ބަލައިގެން ދަތުރު ފަތުރުކުރެއްވުމަށާއި ފެންބޮޑުވުމުގެ ހާދިސާތަކުން ރައްކާތެރިވެ ތިބުމަށް ފިޔަވަޅުތައް އެޅުއްވުމަށް ކަމާއި ބެހޭ އިދާރާތަކުން ގެންދަވަނީ އިލްތިމާސްކުރައްވަމުންނެވެ.
