ދިވެހިރާއްޖޭގެ މިނިވަންކަމަށް 61 އަހަރު ފުރުމުގެ މުނާސަބަތުގައި ބޭއްވުމަށް ހަމަޖެހިފައިވާ ރަސްމީ ބައްދަލުކުރެއްވުން މި އަހަރުވެސް ނުބޭއްވެވުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ނިންމަވައިފިއެވެ.
ރައީސުލްޖުމްހޫރިއްޔާގެ އޮފީހުން މައުލޫމާތު ދެއްވި ގޮތުގައި، މި ބައްދަލުކުރެއްވުން ނުބޭއްވެވުމަށް ރައީސް މުޢިއްޒު ނިންމެވީ ދައުލަތުގެ ހަރަދުތައް ކުޑަކުރެއްވުމަށް ސަރުކާރުން އަޅުއްވަމުން ގެންދަވާ ހަރުދަނާ ފިޔަވަޅުތަކުގެ ދަށުންނެވެ. މިއީ އިގްތިސާދީ ގޮތުން ދައުލަތަށް ކުރިމަތިވެފައިވާ ގޮންޖެހުންތަކުން އަރައިގަތުމަށްޓަކައި، އިސްރާފު ކުޑަކޮށް ދައުލަތުގެ ބަޖެޓުން ކުރާ ހަރަދުތައް ސަލާމަތްކުރުމަށް އެޅުއްވި މުހިންމު ފިޔަވަޅެކެވެ.
މިނިވަން ދުވަހުގެ ރަސްމީ ބައްދަލުކުރެއްވުން ނުބޭއްވި ނަމަވެސް، ދުވަހުގެ މުނާސަބަތުގައި ބާއްވާ ރަސްމީ ޖަލްސާ ބޭއްވުމަށް ވަނީ ހަމަޖެހިފައެވެ. މިގޮތުން މި އަހަރުގެ މިނިވަން ދުވަހުގެ ރަސްމީ ޖަލްސާ އޮންނާނީ މިނިވަން ދުވަހުގެ ހެނދުނު 09:00 ގައި، ސޯޝަލް ސެންޓަރުގައެވެ.
ދައުލަތުގެ ހަރަދު ކުޑަކުރުމުގެ ސިޔާސަތުގެ ދަށުން، މިދިޔަ 2025 ވަނަ އަހަރުގެ މިނިވަން ދުވަހުވެސް ބައެއް ހަރަކާތްތަކެއް ސަރުކާރުން ބާއްވާފައިނުވާކަން ފާހަގަކޮށްލަންޖެހެއެވެ.
