ބޭރު ބަޔަކު ލައްވައި މިހުރިހާ ދުވަހު އެމްޑީޕީން ވިލިމާލޭގައި ޖެއްސި ޑްރާމާ ފަޅާއަރައި، މޭޔަރު އާޒިމާއި އެމްޑީޕީ ކައުންސިލް ބޭޒާރުވެއްޖެއެވެ.
މާލެ ސިޓީ ކައުންސިލުން ބޭއްވި ރައްޔިތުންގެ ބައްދަލުވުމުގެ ތެރެއިން، މާލޭގެ މޭޔަރު އާދަމް އާޒިމާއި އެމްޑީޕީގެ މެޖޯރިޓީ އޮންނަ ކައުންސިލާ މެދު ވިލިމާލޭގެ ރައްޔިތުންގެ ބޮޑު ނުރުހުމެއް އޮތްކަން މިވަނީ ހާމަވެގެން ގޮސްފައެވެ.
މި ބައްދަލުވުމާ ގުޅޭގޮތުން މަޢުލޫމާތު ހިއްސާކުރައްވަމުން ވިލިމާލެ ދާއިރާގެ ރައްޔިތުންގެ މަޖިލީހުގެ މެންބަރު މުޙައްމަދު އިސްމާޢީލް ވިދާޅުވީ، ވިލިމާލޭގެ ރައްޔިތުން މިއަދު އެންމެ ބޮޑަށް ބޭނުންވަނީ އެ އަވަށުގައި ތަރައްގީގެ ގިނަ މަޝްރޫއުތަކެއް ހިނގަމުންދާ މަންޒަރު ފެނުން ކަމަށެވެ. އަދި ސަރުކާރުގެ ސިޔާސަތަކީވެސް ވިލިމާލެއަކީ ތިމާވެއްޓާ ރައްޓެހި ފެހިކަންގަދަ އަވަށެއްގެ ގޮތުގައި ދަމަހައްޓައިގެން، ރައްޔިތުންނަށް ބޭނުންވާ ތަރައްގީގެ މަޝްރޫއުތައް ކުރިއަށް ގެންދިއުން ކަމަށް އޭނާ ފާހަގަކުރެއްވިއެވެ.
ބައްދަލުވުމުގެ ތެރެއިން ނަގާފައިވާ ބައެއް ފޮޓޯތަކާއި ވީޑިއޯތައް ހިއްސާކުރައްވަމުން މުޙައްމަދު އިސްމާޢީލް ވިދާޅުވީ، ވިލިމާލޭގެ ތަރައްގީއާ ދެކޮޅަށް ޝުއޫރު ފާޅުކުރަމުންދާ ގިނަ ފަރާތްތަކަކީ ވިލިމާލެއަށް ނިސްބަތްވާ މީހުން ނޫން ކަމަށް ބުނެ އެ އަވަށުގެ ރައްޔިތުން އަޑުއުފުލަމުންދާ ކަމަށެވެ. މޭޔަރު އާޒިމާއި އެމްޑީޕީ ކައުންސިލުން ވިލިމާލޭގެ ތަރައްގީއަށް ހުރަސްއަޅަމުންދާ ކަމަށް ބުނެ، ބައްދަލުވުމަށް ދިޔަ ގިނަ ރައްޔިތުން ވަނީ ކައުންސިލަށް ފާޑުކިޔައި ނުރުހުން ފާޅުކޮށްފައެވެ.
ވިލިމާލެ ތައްޔިތުން ބޭނުންވަނީ ވިލިމާލޭގަ ތަރައްގީގެ ގިނަމަސްރޫއުތަކެއް ފެނިގެންދިއުން ސަރުކާރުގެ ނިންމުމަކީ ތިމާވެއްޓާ ރައްޓެހި ފެހިކަންގަދަ އަވަށެއްގޮތުގަ ދަމަހައްޓައިގެން ތަރައްގީގެ ގިނަމަސްރޫއުތަކެއް ހިންގުން
ތަރައްގީޔާ ދެކޮޅައް ސުއޫރުފާޅުކުރާ ގިނަފަރާތްތަކަކީ ވިލިމާލެއައް… pic.twitter.com/3fujVyCdEZ
— Mohamed Ismail (@MPMohdIsmail) July 9, 2026
މުޙައްމަދު އިސްމާޢީލް އިތުރަށް ވިދާޅުވީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ވިލިމާލެއަށް ގެންނަން ބޭނުންވާ ތަރައްގީއަށް އެ އަވަށުގެ ރައްޔިތުންގެ ފުރިހަމަ ތާއީދު އެބައޮތް ކަމަށެވެ. ނަމަވެސް، މާލެ ސިޓީ ކައުންސިލްގެ މިހާރުގެ މިސްރާބު ހުރީ ރައްޔިތުން ބޭނުންވާ ތަރައްގީއާ ދެކޮޅަށް ކަމަށް ބުނެ އޭނާ ވަނީ ކަންބޮޑުވުން ފާޅުކުރައްވާފައެވެ.
ވިލިމާލެ ތައްޔިތުން ބޭނުންވަނީ ވިލިމާލޭގަ ތަރައްގީގެ ގިނަމަސްރޫއުތަކެއް ފެނިގެންދިއުން ސަރުކާރުގެ ނިންމުމަކީ ތިމާވެއްޓާ ރައްޓެހި ފެހިކަންގަދަ އަވަށެއްގޮތުގަ ދަމަހައްޓައިގެން ތަރައްގީގެ ގިނަމަސްރޫއުތަކެއް ހިންގުން
ތަރައްގީޔާ ދެކޮޅައް ސުއޫރުފާޅުކުރާ ގިނަފަރާތްތަކަކީ ވިލިމާލެއައް… pic.twitter.com/IhjfVsy9Nm
— Mohamed Ismail (@MPMohdIsmail) July 9, 2026
މި ބައްދަލުވުމަކީ ލާމަރުކަޒީ ގާނޫނުގެ ދަށުން ރައްޔިތުންގެ ޚިޔާލު ހޯދުމަށް ބޭއްވި ބައްދަލުވުމެއް ނަމަވެސް، ބައްދަލުވުން ނިމިގެންދިޔައީ ކައުންސިލާއި މޭޔަރުގެ ސިޔާސަތުތަކާ މެދު ރައްޔިތުންގެ މެދުގައި އޮތް ބޮޑު ނުތަނަވަސްކަމެއްގެ ތެރޭގައެވެ.
