އެމެރިކާއާއި އީރާނާ ދެމެދު އޮތް ވަގުތީ ސުލްޙައިގެ އެއްބަސްވުން ރަސްމީކޮށް އުވާލައި ހަނގުރާމަ އަލުން ފެށުމާ ގުޅިގެން، ދުނިޔޭގެ ހަކަތައިގެ ބާޒާރަށް ބޮޑު ލޮޅުމެއް އަރައި ތެލުގެ އަގު އިންތިހާއަށް އުފެލެން ފަށައިފިއެވެ. މިކަމުގެ ސަބަބުން މުޅި ދުނިޔެއަށް ތަކެތީގެ އަގު އުފެލުމުގެ (އިންފްލޭޝަން) އައު ބިރުވެރިކަމެއް ވަނީ ކުރިމަތިވެފައެވެ.
މާކެޓަށް އައި މުހިންމު ބަދަލުތަައް
– ތެލުގެ އަގު މައްޗަށް ދިއުން: ހޮރްމޫޒް ކަނޑުއޮޅީގައި އަސްކަރީ ޙަމަލާތައް ފެށުމާއެކު، ބައިނަލްއަޤްވާމީ ބެންޗްމާކް ’ބްރެންޓް ކްރޫޑް‘ ތެލުގެ އަގު %5.3 އަށް މައްޗަށް ގޮސް، ފީފާއަކަށް 78.09 ޑޮލަރަށް ވަނީ އަރާފައެވެ. އަދި އެމެރިކާގެ ’ވެސްޓް ޓެކްސަސް އިންޓަމީޑިއަޓް‘ (ޑަބްލިއުޓީއައި) ތެލުގެ އަގު %5.4 އަށް އުފެލި، ފީފާއަކަށް 74.23 ޑޮލަރަށް ވަނީ ބަންދުވެފައެވެ.
– އައި.އެމް.އެފް ގެ އިންޒާރު: ބައިނަލްއަޤްވާމީ މާލީ އިދާރާ (އައިއެމްއެފް) އިން ބުނި ގޮތުގައި، މެދުއިރުމަތީގެ މި ހަނގުރާމައިގެ ސަބަބުން ދުނިޔޭގެ އިޤްތިޞާދީ ކުރިއެރުން މަޑުޖެހި، މުދާ އުފުލާ ސަޕްލައި ޗެއިންތަކަށް ބޮޑެތި ހުރަސްތަކެއް ކުރިމަތިވާނެއެވެ. އަދި 2026 ވަނަ އަހަރު ދުނިޔޭގެ އިންފްލޭޝަން ރޭޓް %4.7 އަށް މައްޗަށްދާނެ ކަމަށް މިހާރު ވަނީ ލަފާކޮށްފައެވެ.
– އިޤްތިޞާދީ ނުރައްކާ: ތަޖުރިބާކާރުން ހާމަކުރާ ގޮތުގައި، ތެލުގެ އަގު މިހާރު މައްޗަށް ދިއުމަކީ ކާގޯ ބޯޓުފަހަރާއި މުދާ އުފުލާ ދަތުރުފަތުރުގެ ޚަރަދު ވަގުތުން ބޮޑުވާނެ ކަމެކެވެ. މީގެ ހޫނުގަނޑު ކުރިއަށް އޮތް ދުވަސްތަކުގައި ޢާންމު މުދަލުގެ އަގުތަކުން ފެންނަން ފަށާނެއެވެ.
