ސީރިޔާއަށް ކުރަމުން ގެންދާ ރަސްމީ ދަތުރެއްގައި ފަރަންސޭސިވިލާތުގެ ރައީސް އިމަނުއެލް މެކްރޯން ހުރި ހޮޓާ ކައިރީގައި ބާރުގަދަ ބޮމުގެ ޙަމަލާތަކެއް ދީފިއެވެ. މި ޙާދިސާ ހިނގީ ރައީސް މެކްރޯންގެ ކޮންވޯއި އެ ހޮޓަލުން ނުކުތްތާ ކުޑަ ވަގުތުކޮޅެއްގެ ތެރޭގައެވެ. މި ޙަމަލާތަކުގައި 18 މީހަކަށް އެކިވަރުގެ އަނިޔާތައް ލިބިފައިވާކަމަށް ސީރިޔާގެ ދައުލަތުގެ ޚަބަރު ފަތުރާ އެޖެންސީން ރިޕޯޓުކޮށްފިއެވެ. މީގެ ތެރޭގައި 4 ފުލުހަކު ހިމެނެއެވެ.
The Syrian State News Agency reports 18 people were injured including 4 police officers in the explosions in the capital Damascus. The twin explosions occurred a short distance from the hotel where the French President was staying on his official visit to see the Syrian… pic.twitter.com/n5GxkqBa91
— Alex Crawford (@AlexCrawfordSky) July 7, 2026
ފަރަންސޭސިވިލާތުގެ ރައީސްގެ ކޮންވޯއި ހޮޓަލުން ނުކުތުމާއެކު، މެކްރޮން ހުރި ހޮޓާ ކައިރީގައި ބާރުގަދަ އަޑުތަކެއް އިވުނުކަމަށް އަލް ޢަރަބިއާގެ ކޮރެސްޕޮންޑެންޓް ރިޕޯޓުކޮށްފައިވެއެވެ. މި ޙަމަލާތައް ދީފައިވަނީ ދިމިޝްޤުގެ މައި ސަރަޙައްދެއްގައި ހުންނަ ޓޫރިޒަމް މިނިސްޓްރީ ކައިރީގައެވެ. ޙަމަލާތަކާ ގުޅިގެން ސީރިޔާގެ ސަލާމަތީ ބާރުތަކުން އެ ސަރަޙައްދު ބަންދުކޮށް، ސަލާމަތީ ފިޔަވަޅުތައް ވަނީ ވަރުގަދަކޮށްފައެވެ.
މި ދަތުރަކީ 2024 ވަނަ އަހަރު ސީރިޔާގެ ވެރިކަން ބަދަލުވި ފަހުން ޔޫރަޕްގެ އިސް ލީޑަރަކު ސީރިޔާއަށް ކުރި ފުރަތަމަ ދަތުރުފުޅެވެ. މި ޙާދިސާއާ ގުޅިގެން މެކްރޯންގެ ދަތުރަށް އެއްވެސް ބަދަލެއް ގެނެސްފައިނުވާކަން ވަނީ ކަށަވަރުވެފައެވެ.
