ސަރުކާރު ހިންގާ ޕީއެންސީގެ ކުރިއަށް އޮތް އެތެރޭގެ އިންތިހާބުގައި، ޕީއެންސީގެ ސަރުކާރު ދިފާއުކުރުމުގައި އިސް ދައުރެއް އަދާކުރައްވަމުންދާ ކުރީގެ ދެ ޑެޕިއުޓީ މިނިސްޓަރުން ކަމަށްވާ މަރިޔަމް ޝިއުނާ އަދި މަލްޝާ ޝަރީފް ވާދަކުރައްވަން ނިންމެވީ، ހުޅުމާލެއިން ޕީއެންސީއަށް ބޮޑު މެޖޯރިޓީއެއް ހޯދައިދެއްވުމަށް ކަމަށް އެ 2 މީހުން ވެސް ބުނެފިއެވެ.
ޝިއުނާ ވާދަކުރަނީ ހުޅުމާލޭ ދެކުނު ދާއިރާގެ ނައިބު ރައީސް ކަމަށެވެ. މަލްޝާ ވާދަކުރައްވަނީ ހުޅުމާލެ އުތުރު ދާއިރާގެ ނައިބު ރައީސް ކަމަށެވެ.
ހުޅުމާލެ ދެކުނު އަދި އުތުރު ދާއިރާގައި
ޕީއެންސީގެ ޙަރަކާތްތަށް ވަރުގަދަ ކުރެވޭނީ ޕާޓީއަށް އިޚުލާސްތެރި ޓީމުތަކެއް ހޮވައިގެން. އަޅުގަނޑުގެ ތާއީދު މި 2 ޓީމަށް! pic.twitter.com/sYsBkmXOV6— Ahmed Azaan (@axanner) July 8, 2026
ޝިއުނާ ފޭސްބުކްގައި ކުރެއްވި ޕޯސްޓެއްގައި ބުނީ، އޭނާ އާއި މަލްޝާ ޕީއެންސީގެ އެތެރޭގެ އިންތިހާބުގައި ވާދަކުރަން ނިންމީ، ހުޅުމާލޭގައި ޕާޓީގެ ރޫހު އާލާކޮށް، މެންބަރުންގެ އަޑު ޕާޓީގެ އިސްވެރިންނަށް އިއްވައިދިނުމުގެ މަގުސަދުގައި ކަމަށެވެ.
”އަޅުގަނޑުމެންގެ އަމާޒަކީ 2028 ވަނަ އަހަރުގެ ރިޔާސީ އިންތިހާބުގައި ހުޅުމާލެ އުތުރާއި ދެކުނުން ޕީއެންސީއަށް ބޮޑު މެޖޯރިޓީއެއް ކަށަވަރުކޮށްދިނުން. މީގެ ކުރިން އަބަދުވެސް އަޅުގަނޑުމެން (މަލްޝާ އަދި ޝިއުނާ) އުޅުނީ އިހްލާސްތެރިކަމާއެކު އެހެން ބޭފުޅުން ގޮނޑިތަކަށް އިންތިހާބުކޮށްދިނުމުގަ. ނަމަވެސް، މިފަހަރު މިކަމަށް ކުރިމަތިލީ ޕާޓީގެ އާންމު މެންބަރުންގެ ވަރަށް ބޮޑު އެދުމަކަށް.“ ޝިއުނާގެ ޕޯސްޓުގައިވެއެވެ.
ޝިއުނާ ބުނީ، މިއީ މެންބަރުން އެމީހުންނަށް ކުރާ އިތުބާރަށް ދޭ އިޖާބައެއް ކަމަށާއި ޕީއެންސީގެ ފިކުރަށާއި އެ ޕާޓީއަށްޓަކައި މި ވީހާތަނަށް ކޮށްދީފައިވާ ހިދުމަތްތަކަށް ބަލައި، ހުޅުމާލެ ދެކުނުން އެ ދެ ޓީމުންވެސް ތަނަވަސް އަގުލަބިއްޔަތަކުން ހޮވައިދެއްވާނެ ކަމާމެދު ޝައްކު ނުކުރައްވާ ކަމަށެވެ.
— Mariyam Shiuna (@shiuna_m) July 9, 2026
މިހާތަނަށް ޕާޓީގެ ގިނަ ބަޔަކު ވަނީ މި 2 ޓީމަށް ތާއީދު ކުރާކަމަށް އިއުލާނުކޮށްފައެވެ. މީގެ ތެރޭގައި ރައްޔިތުންގެ މަޖްލިސް ޕީއެންސީ މެންބަރުން ހިމެނެއެވެ. މީގެ އިތުރުން ސޯޝަލް މީޑިއާގައިވެސް މި 2 ޓީމުން ދަނީ ވަރުގަދަ ކެމްޕޭނެއް ކުރަމުންނެވެ.
— Mariyam Shiuna (@shiuna_m) July 9, 2026
އެގޮތުން މިރޭ ކެމްޕޭނު ޙަރަކާތެއް ޗެނަލް ޕާކުގައި ބާއްވާއިރު، ހުކުރު ދުވަހުގެ ހަވީރު 4:00 ގައި ސައިކަލު ބުރެއް އޮންނާނެ ކަމަށްވެސް ވަނީ އިޢުލާނުކޮށްފައެވެ.
ޕީއެންސީގެ އެތެރޭގެ އިންތިހާބު ބާއްވަނީ އަންނަ ހޮނިހިރު ދުވަހުއެވެ.
