އާޓިފިޝަލް އިންޓެލިޖެންސް (އޭއައި) އާއި ސިޔާސީ ހަރުކަށި ވިސްނުންތައް ފެތުރެމުންދާ ދަނޑިވަޅެއްގައި، އިންޑިއާގެ މަދްޔާ ޕްރަދޭޝްގެ ހަރުކަށި ހިންދޫ ލީޑަރަކު އެޕަލް ކުންފުންޏާ ދެކޮޅަށް ބޮޑު ތުހުމަތެއް ކޮށްފިއެވެ. އޭނާ ބުނާ ގޮތުގައި އެޕަލްގެ ވޮއިސް އެސިސްޓަންޓް ”ސިރީ“ އަކީ ހިންދޫންނާ ދެކޮޅު ވިސްނުމެއް ގެންގުޅޭ އެއްޗެކެވެ.
" iPhone is against the culture of India & hurts Hindu sentiments because SIRI gives replies to ' "Assalamualaikum" but remains silent on "Jai Shri Ram"
Imagine your faith getting hurt coz AI didn't say JAI Shri Ram
The level of inferiority complex 😭 pic.twitter.com/5wUw0rcp7U
— Nehr_who? (@Nher_who) July 1, 2026
މި މައްސަލަ އުފެދުނީ، ”ޖޭ ޝްރީ ރާމް“ ކިޔާފައި ސިރީއާ ސުވާލުކުރުމުން، އެއަށް ދޭ ޖަވާބުތަކުގައި ހިންދޫ ދީނަށް އިހާނެތިވާ ފަދަ މާނަތަކެއް ނުވަތަ އޮޅުންބޮޅުންތަކެއް ހުރިކަމަށް ބުނެ، އެކަމުގެ ވީޑިއޯތަކެއް ސޯޝަލް މީޑިއާގައި ދައުރުވާން ފެށުމުންނެވެ. އެހެންނަމަވެސް، މުސްލިމުންގެ ދީނީ ސަލާމް ކަމަށްވާ ”އައްސަލާމް ޢަލައިކުމް“ ބުނުމުން ސިރީ ރައްދުގައި ސަލާމް ބަލައިގަންނަ ކަމަށް އޭނާ ވަނީ ވަރަށް ބޮޑަށް ކަންބޮޑުވުމާއެކު ފާހަގަކޮށްފައެވެ.
ޖާހިލުކަމާއި ސިޔާސީ ހަތިޔާރު:
– އަލްގޮރިދަމްގެ ޙަޤީޤަތް: ޓެކްނިކަލް ތަޖުރިބާކާރުން ބުނާ ގޮތުގައި މިއީ ހިންދޫ ދީނާ ދެކޮޅަށް ޤަޞްދުގައި ކޮށްފައިވާ ކަމެއް ނޫނެވެ. ”އައްސަލާމް ޢަލައިކުމް“ އަކީ ދުނިޔޭގެ އެތައް ބިލިއަން ބަޔަކުޒަމާނުއްސުރެ ބޭނުންކުރާ، އޭއައި ނިޒާމުތަކަށް ދަސްވެފައިވާ ސާފު ބަހެކެވެ. ނަމަވެސް ”ޖޭ ޝްރީ ރާމް“ އަކީ ފަހަކަށް އައިސް ސިޔާސީ ހޭޝްޓެގްތަކުންނާއި ފޯރަމްތަކުން އޭއައި ސިސްޓަމްތަކަށް ނަގާފައިވާ ބަހަކަށްވުމުން، ބަސް ތަރުޖަމާކުރުމުގައި (އެންއެލްޕީ) ދިމާވާ ”ބަގް“ އެކެވެ.
– ރައްޔިތުން ގުނބޯ ހެއްދުން: ހަރުކަށި ލީޑަރުންގެ ޖާހިލުކަމާއި، އެމީހުންގެ ފަހަތުންދާ ސަޕޯޓަރުންގެ ވިސްނުން ކުޑަކަން މިކަމުން ވަރަށް ސާފުކޮށް ހާމަވެއެވެ. އާދައިގެ ޓެކްނިކަލް މައްސަލައެއްވެސް ބޮޑު ދީނީ ރޭވުމަކަށް ހަދައި، އާންމުންގެ ހިތްތަކުގައި ބިރުވެރިކަމާއި ނަފްރަތު އުފައްދައިގެން އެޕަލް އުފެއްދުންތައް ބޮއިކޮޓް ކުރަން ގޮވާލުމަކީ މިފަދަ ޖާހިލު މުޖުތަމަޢުތައް މަގުފުރައްދަން ހަރުކަށި ލީޑަރުންނަށް ނުހަނު ފަސޭހަކަމެއްކަމެވެ.
ބޮޑެތި ކުންފުނިތަކަށް އޮތް ބިރު:
މި މައްސަލައިން ހާމަވަނީ، އިންޑިއާގެ ބިލިއަނަކަށްވުރެ ގިނަ އާބާދީއަށް ޚިދުމަތް ދޭން ބޭނުންނަމަ، އިންޑިއާގެ މެޖޯރިޓޯ ހިންދޫވްތާ ލީޑަރުންގެ އަތުގައި ބޮޑެތި ޓެކް ކުންފުނިތަކަށް އޮތް ނުފޫޒެވެ. މީގެ ކުރިންވެސް އިންޑިއާގެ ބީޖޭޕީ ސަރުކާރުގެ އެންގުންތަކަށް ތަބާނުވެގެން އެކްސް (X) ގެ އެތައް އެކައުންޓްތަކެއް ބްލޮކްކުރަން ވަނީ މަޖުބޫރުކޮށްފައެވެ. އަދި ދާދިފަހުން ޓެލެގްރާމް އިންވެސް ވަނީ އިންޑިއާ ސަރުކާރުގެ ޕްރެޝަރަށް އެތައް ބައެއްގެ މައުލޫމާތުތައް ދައުލަތާ ހަވާލުކުރަން އެއްބަސްވެފައެވެ. އެޕަލްއާއި ގޫގަލް ފަދަ ކުންފުނިތަކަށްވެސް މިއަދު އޮތީ ހިންދޫ ސަރުކާރުގެ ބޭނުންވާ ގޮތަށް ހަދައިދީ، އޭއައި ނިޒާމުތައް ސަރުކާރުގެ ޕްރޮޕަގަންޑާ އާލަތަކަށް ބަދަލުކުރުން ނުވަތަ މާކެޓުން ބޭރުވުމުގެ ހޫނު ގޮންޖެހުމެވެ.
