މާލެ ސަރަޙައްދުގައި ހުކުރުކޮށް ޚުޠުބާ ކިޔަމުންދާ ޒުވާން ޚަޠީބުންނާ އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ބައްދަލުކުރައްވައި، ޒުވާނުންނަށް ދީނީ ދާއިރާއިން ކުރިއަށް ދެވޭނެ މަގުތަކާ ގުޅޭގޮތުން މުހިންމު މަޝްވަރާތަކެއް ކުރައްވައިފިއެވެ.
މި ބައްދަލުކުރެއްވުމަކީ މާލެ ސަރަޙައްދުގެ މިސްކިތްތަކުގައި ފާހަގަކޮށްލެވޭ ފަދަ ރަނގަޅު ޚިދުމަތްތަކެއް ކުރަމުންދާ ޒުވާން ޚަޠީބުންގެ އަޑުއަހައި، އެކުދިންގެ ކުރިމަގު ބައްޓަންކުރުމަށް ސަރުކާރުން ކުރަމުންދާ މަސައްކަތުގެ ބައެކެވެ. ވަޒީރު ވިދާޅުވީ މިއީ ފެށުމެއް ކަމަށާއި، ކުރިއަށް އޮތް ތަނުގައި ރާއްޖޭގެ އެހެނިހެން ސަރަޙައްދުތަކުގައި ތިބި ޒުވާން ޚަޠީބުންނާ ވެސް ބައްދަލުކުރައްވާނެ ކަމަށެވެ.
މި ބައްދަލުވުމުގައި މައިގަނޑު ގޮތެއްގައި މަޝްވަރާ ކުރެވުނީ ”ޒުވާން ޚަޠީބުންގެ ޤައުމީ މަހާސިންތާ“ ބޭއްވުމާ ގުޅޭގޮތުންނެވެ. މީގެ އިތުރުން، އިސްލާމީ ދާއިރާއިން މަތީ ތަޢުލީމު ޙާޞިލްކުރަން ޝައުޤުވެރިވާ ޒުވާން ޚަޠީބުންނަށް ޢަރަބި އިސްލާމީ ޔުނިވަރސިޓީތަކުން ފުރުޞަތު ހޯދައިދިނުމަށާއި، މި ދާއިރާއިން ކުރިއަށްދާން ބޭނުންވާ ފަރާތްތަކަށް ޚާއްޞަ ސްކޮަލަރޝިޕް ސްކީމެއް ތަޢާރަފްކުރުމާ ގުޅޭގޮތުން ވެސް ފުޅާދާއިރާއެއްގައި މަޝްވަރާކުރެވުނެވެ.
ވަޒީރު ޑރ. ޝަހީމް ފާހަގަކުރެއްވި ގޮތުގައި، ޚުޠުބާ ކިއުމުގެ އިތުރުން މިސްކިތްތަކުގެ އިމާމުންގެ ގޮތުގައި ދާއިމީކޮށް މަސައްކަތް ކުރަން ބޭނުންވާ ޒުވާނުންނަށް އެ މަގު ފަހިކޮށްދިނުމަކީ ސަރުކާރުގެ އަމާޒެކެވެ. އެގޮތުން ޝައުޤުވެރިކަން ހުރި ޒުވާނުންނަށް ދާއިމީކޮށް އެކަން ކުރެވޭނޭ އިންތިޒާމެއް ހަމަޖެއްސުމާ ބެހޭގޮތުން ވެސް މި ބައްދަލުވުމުގައި ޚިޔާލު
ސަރުކާރުން ކުރިއަށްގެންދާ ”ޒުވާން ޚަޠީބުން“ ޕްރޮގްރާމަކީ ދިވެހި ޒުވާނުންގެ މެދުގައި ދީނީ ހޭލުންތެރިކަން އިތުރުކޮށް، މިސްކިތްތަކުގެ މިންބަރުތަކުން ޒުވާނުންގެ އަޑު އިއްވުމަށް ފެށިފައިވާ ކާމިޔާބު މަޝްރޫޢެކެވެ. މި މަސައްކަތުގެ ސަބަބުން ދީނީ ދާއިރާއަށް ޒުވާނުންގެ ޝައުޤުވެރިކަން ވަނީ ވަރަށް ބޮޑަށް އިތުރުވެފައެވެ.
