އެމެރިކާ ޑޮލަރަށް އޮތް ތާށިކަމާއި ފިއްތުންތައް ދެނެގަންނަންޖެހޭނީ އިގްތިސާދީ ބޮޑު މަންޒަރަށް ބަލައިގެން ކަމަށާއި، މިހާރު ދިމާވެފައިވާ ގޮންޖެހުންތަކުން އަރައިގަތުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން މަސައްކަތް ކުރަމުންދަނީ ނުހަނު ޒިންމާދާރުކަމާއެކު ކަމަށް ހިތަދޫ އުތުރު ދާއިރާގެ މެންބަރު އަހުމަދު އަޒާން ވިދާޅުވެއްޖެއެވެ.
އަޒާން ފާހަގަކުރެއްވި ގޮތުގައި ރާއްޖޭގެ އިގްތިސާދަށް މިވަގުތު ބޮޑެތި ގޮންޖެހުންތަކެއް ކުރިމަތިވެފައިވަނީ ބޭރުގެ ދަރަނި ދެއްކުމަށް އޮތް ބޮޑު މަސްއޫލިއްޔަތުގެ ސަބަބުންނެވެ. އެގޮތުން، ކުރިއަށް އޮތް އެއް އަހަރު ދުވަހުގެ ތެރޭގައި ދައްކަންޖެހޭ ބޭރު ފައިސާގެ ދަރަނި، ރާއްޖޭގެ ރިޒާވްގެ 107.8 އިންސައްތައަށް އަރާއިރު، މުޅި ޖުމްލަ ދަރަނީގެ 46.8 އިންސައްތައަކީ އެއް އަހަރު ދުވަހުގެ ތެރޭގައި ދައްކާ ހަލާސްކުރަންޖެހޭ ދަރަންޏެވެ.
The current pressure on USD must be understood in its full economic context.
Maldives is carrying large foreign currency obligations, with FX debt maturing within one year at 107.8% of reserves and 46.8% of total debt maturing within one year.
At the same time, instability in…
— Ahmed Azaan (@axanner) July 1, 2026
މީގެ އިތުރުން، މެދުއިރުމަތީގައި އުފެދިފައިވާ ހަމަނުޖެހުންތަކުގެ ސަބަބުން ފަތުރުވެރިކަމަށް އޭގެ ނޭދެވޭ އަސަރުކޮށް، ރާއްޖެއަށް ވަންނަ ޑޮލަރުގެ މިންވަރު މަދުވެފައިވާކަން އަޒާން ފާހަގަކުރެއްވިއެވެ. ބޭރުގެ ދަރަނި ދެއްކުމަށް އޮތް ތާށިކަމާއެކު، ފަތުރުވެރިކަމުން ލިބޭ އާމްދަނީއަށް ބުރޫއެރުމަކީ ބޭރު ފައިސާގެ ބާޒާރަށް ނުތަނަވަސްކަން އަންނާނެ ކަމެއް ކަމަށް އޭނާ ވިދާޅުވިއެވެ.
”މިވަގުތު އެންމެ މުހިންމީ ދަރަނި ދެއްކުމަށް އޮތް ފިއްތުންތައް ކުޑަކުރުމާއި، ރިޒާވް ވަރުގަދަކުރުން. އަދި ރާއްޖެއަކީ އޭގެ އިލްތިޒާމްތައް ފުރިހަމަކުރެވޭނެ ގައުމެއްކަމުގެ އިތުބާރު ބާޒާރުގައި ގާއިމުކުރުން،“ އަޒާން ވިދާޅުވިއެވެ.
އަޒާން އިތުރަށް ވިދާޅުވީ، ރައީސް މުޢިއްޒުގެ ސަރުކާރަށް ވާރުތަވީ ދަރަނީގެ ވަރަށް އުނދަގޫ ހާލަތެއް ކަމަށެވެ. ނަމަވެސް، މި ސަރުކާރުން އެ މައްސަލަތައް ހައްލުކުރުމަށް މަސައްކަތް ކުރަމުންދަނީ ވަރުގަދަ އަޒުމަކާއެކު، ނުހަނު އަޚުލާގީ އަދި ޒިންމާދާރު އުސޫލުތަކެއްގެ ތެރެއިންކަން އޭނާ ފާހަގަކުރެއްވިއެވެ.
