ވޮޝިންގޓަންގައި ސޮއިކުރި އެކިފަހަރުމަތިން އިޒްރޭލު ޚިލާފުވަމުންދާ ”ސަލާމަތީ އެއްބަސްވުމުގެ“ އިންތިޤާލީ މާއްދާތަކުގެ ދަށުން ލިބޭ ”އޮޕަރޭޝަނަލް ފުރިހަމަ މިނިވަންކަން“ ބޭނުންކޮށް، ޔަހޫދީ އިސްތިއުމާރުގެ އަސްކަރިއްޔާއިން ލުބުނާނުގެ ނަބަޠިއާ ޑިސްޓްރިކްޓަށް ޑްރޯން ޙަމަލާތަކެއް ދީފިއެވެ. އިޒްރޭލުގެ ނިރުބަވެރި ސިފައިން ބުނާގޮތުގައި މި ޙަމަލާތަކުގައި ހިޒްބުއްލާގެ ލޮޖިސްޓިކްސް ޓީމެއް ނައްތާލާފައިވެއެވެ.
ޙަމަލާގެ ސަބަބު
އިޒްރޭލުން ބުނިގޮތުގައި މި ޙަމަލާތައް އަމާޒުކުރީ އިސްތިއުމާރުކޮށްފައިވާ ބިމުގެ ބޯޑަރު ސަރަޙައްދަށް އެންޓި-ޓޭންކް މިސައިލްތައް ގެންދަން އުޅުނު ހިޒްބުއްލާގެ ޚާއްޞަ ޓީމަކަށެވެ. މި ޢަމަލަކީ ވޮޝިންގޓަން އެއްބަސްވުމުގެ ދަށުން އިޒްރޭލަށް ލިބިފައިވާ އޮޕަރޭޝަނަލް މިނިވަންކަމުގެ ތެރޭގައި ހިމެނޭ ކަމެއް ކަމަށް އިސްތިއުމާރީ ވެރިކަމުގެ އަސްކަރިއްޔާއިން ދަޢުވާކުރެއެވެ.
ސިޔާސީ މަސްރަޙު
މި ޙަމަލާ ދީފައި މިވަނީ ޖޫން 26، 2026 ގައި ވޮޝިންގޓަންގައި ސޮއިކުރި ސަލާމަތީ އެއްބަސްވުމަށްފަހުގައެވެ. މި އެއްބަސްވުމުގެ މައިގަނޑު މަޤްޞަދަކީ ޔަހޫދީ އިސްތިއުމާރީ ސިފައިން ލުބުނާނުގެ ފޭބުމާއި، އެ ސަރަޙައްދުގެ ސަލާމަތީ ކަންކަން ލުބުނާނުގެ އަސްކަރިއްޔާއާ ޙަވާލުކުރުމެވެ. ނަމަވެސް، މި ޙަމަލާއިން ފެންނަނީ ސުލްޙަޔަކީ އިޒްރޭލާ އަދި އެމެރިކާ ދަންނަ އެއްޗެއް ނޫންކަމެވެ. މި އިސްތިއުމާރީ ބާރުތައް ބޭނުންވީމާ އަހުދެއް އޮތަސް އެ މުގުރާލާފައި ޙަމަލާދީ އެތައް ލާއިންސާނީ ޖަރީމާތައް ހިންގަނީއެވެ. އަދި މިމީހުން ޒިންމާދާރުކުރުވާ ދެކޮޅަށް ފިޔަވަޅު އެޅޭނެ ބަޔެއްވެސް އެކި ނަންނަމުގައި ސުލްޙަޔަށް މަސައްކަތްކުރާ ކަމަށް ދަޢުވާކުރާ ބައިނަލްއަގުވާމީ ޤައުމުތަކާއި، ޖަމިއްޔާތަކާއި އަދި ޖަމާޢަތްތަކުގައި ނުވެއެވެ.
