މާލޭ ޓީޖެޓީން މުދާ ބަރުކޮށްގެން ފުރި ދޯންޏެއް ދިޔަވެ، އަނބުރާ ބަނދަރަށް ވަތްތަނާ މިއަދު ހަވީރު އަޑިއަށް ހިނގައްޖެއެވެ.
ފުލުހުން ބުނީ މާލޭ ޓީޖެޓީ ސަރަހައްދުގައި ”ކުރިމަގު“ ނަމަކަށް ކިޔާ ދޯންޏެއް އަޑިއަށް ދާކަމުގެ މައުލޫމާތު ފުލުހުންނަށް ލިބިފައިވަނީ މިރޭ 19:31 އެހައިކަންހާއިރު ކަމަށެވެ. މި ދޯނި އަޑިއަށް ދާން ފެށީ ވ. އަތޮޅަށް މުދާ ހިފައިގެން ދަތުރުކުރުމަށްޓަކައި ޓީޖެޓީން ނުކުތް ވަގުތު ދޯނީގެ ދިޔަ ބޮޑުވެ، އަނބުރާ ބަނދަރަށް ވަތް ފަހުން ކަމަށް ފުލުހުން ބުންޏެވެ.
މި ހާދިސާގައި އެއްވެސް މީހަކަށް ގެއްލުމެއް ނުވަތަ އަނިޔާއެއް ލިބިފައެއް ނުވެއެވެ.
ދޯނި އަޑިއަށް ދިޔުމާއެކު، އެމްއެންޑީއެފްގެ ކޯސްޓްގާޑާއި، އެމްޕީއެލްގެ މުވައްޒަފުން އަދި ދޯނީގެ ވެރިފަރާތް ގުޅިގެން ދޯނި ފުންކުރުމުގެ މަސައްކަތް ވަނީ ފަށާފައެވެ.
މި ހާދިސާ ހިނގަން މެދުވެރިވި ސަބަބު ދެނެގަތުމަށް ފުލުހުންގެ އިދާރާއިން މިހާރު އަންނަނީ މައްސަލަ ބަލަމުންނެވެ.
