އދ. ހަންޏާމީދޫގައި ބަގީއަކާއެކު މޫދަށް ވެއްޓުނު 13 އަހަރުގެ ކުޑަކުއްޖަކު ނިޔާވެއްޖެއެވެ.
މި ހާދިސާ ހިނގާފައިވަނީ އިއްޔެ ހަވީރުގެ ވަގުތެއްގައެވެ. މި ހާދިސާ ހިނގީ ބަގީގައި ތަޅުދަނޑި ޖަހާފައި ހުއްޓާ އެ ކުއްޖާ ބަގީއަށް އަރާ ސްޓާޓްކޮށް ދުއްވާލިތަނާ ރަށުގެ ބަނދަރަށް ވެއްޓިއެވެ. ވެއްޓުނު ވަގުތު ބަނދަރުގައި އޮތް ދޯންޏެއްގައި ބޯ ޖެހި ފަޅައިގެން ގޮސް ވަރަށް ބޮޑަށް އެ ކުއްޖާއަށް އަނިޔާވިއެވެ.
އެ ކުއްޖާ ނިޔާވީ ލިބުނު އަނިޔާތަކަށް އެ ރަށު ސިއްހީ މަރުކަޒުގައި ފަރުވާދެމުން އަންނަނިކޮށެވެ.
ފުލުހުންގެ ތަހުގީގަށް ބޭނުންވާ ސާމްޕަލްތައް ނެގުމަށްފަހު ކުއްޖާގެ ޖަނާޒާ ވަނީ ރޭ 12 ޖެހިއިރު ބާއްވައިފައެވެ.
