ދިވެހިރާއްޖޭގެ އެންމެ ބޮޑު އިދިކޮޅު ސިޔާސީ ޕާޓީ، މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އަށް 21 އަހަރު ފުރުމުގެ މުނާސަބަތުގައި، އެ ޕާޓީގެ ޗެއާޕާސަން މުޙައްމަދު ނަޝީދު ޚާއްޞަ މެސެޖެއް ފޮނުއްވައިފިއެވެ.
ސޯޝަލް މީޑިއާގައި ކުރެއްވި ޕޯސްޓެއްގައި ނަޝީދު ވިދާޅުވީ، ދިވެހިރާއްޖެއަށް ޒަމާނީ ޑިމޮކްރަސީއާއި އިސްލާހީ ބޮޑެތި ބަދަލުތައް ގެނައި އަސްލު ބާރަކީ އެމްޑީޕީ ކަމަށެވެ. ޚާއްޞަކޮށް 2008 ވަނަ އަހަރު އަމަލުކުރަން ފެށި އައު ގާނޫނު އަސާސީ ދިވެހި ރައްޔިތުންނަށް ހޯދައިދިނުމުގައި އެންމެ އިސް އަދި އެންމެ ބޮޑު ދައުރެއް އަދާކުރީ އެމްޑީޕީންކަމަށް އޭނާ ވިދާޅުވިއެވެ.
ނަޝީދުގެ މެސެޖުގައި ވިދާޅުވީ، އެ ގާނޫނު އަސާސީގެ ހިޔަލުގައި ރާއްޖެއަށް އުމްރާނީ އަދި އިޖުތިމާއީ ގޮތުން ގިނަގުނަ ކުރިއެރުންތަކެއް ލިބިގެންދިޔަ ކަމަށެވެ. ނަމަވެސް، އެ ގާނޫނު އަސާސީއަށް ގިނަ އަހަރުތަކެއް ވެފައިވާއިރު، މިހާރުގެ ހާލަތަށް ބަލާއިރު ބޮޑެތި ގޮންޖެހުންތަކެއް ހުރިކަން ގަބޫލުކުރަންޖެހޭ ކަމަށްވެސް އޭނާ ވިދާޅުވިއެވެ.
ރާއްޖޭގެ މިހާރުގެ ސިޔާސީ އަދި އިގްތިސާދީ މިސްރާބަށް އަލިއަޅުވާލައްވަމުން ނަޝީދު ވިދާޅުވީ، ދިވެހި ރައްޔިތުންގެ ތަނަވަސްކަމާއި ފާގަތިކަމަށްޓަކައި ރާއްޖެ އަނެއްކާވެސް ބޮޑު ބަދަލަކަށް މިސްރާބު ޖަހަންޖެހޭ ކަމަށެވެ. އަދި އެ ބަދަލު ގެނައުމުގައި އެމްޑީޕީ ދެމިއޮންނާނެ ކަމުގެ ޔަގީންކަން ދެއްވަމުން، ޕާޓީގެ ހުރިހާ މެންބަރުންނަށް އަހަރީ ދުވަހުގެ ތަހުނިޔާ އޭނާ ވަނީ ފޮނުއްވާފައެވެ.
ދިވެހިރާއްޖެ ބަދަލުކުރި ޕާޓީއަކީ އެމްޑީޕީ. 2008 ވަނަ އަހަރުގައި އަމަލުކުރަން ފެށި ޤާނޫނު އަސާސީ ދިވެހިންނަށް ލިބިދިނުމުގައި އެންމެ ބޮޑު ދައުރެއް އަދާކުރީ އެމްޑީޕީ. އެ ގާނޫނު އަސާސީގެ ސަބަބުން ކުރިއެރުންތަކެ ހޯދުނު. އަދި އެހެންމެ ދުވަސްތަކެއް ފަހުން ބަލާއިރު ގޮންޖެހުންތަކެއްވެސް… pic.twitter.com/h2jgV4aYSG
— Mohamed Nasheed (@MohamedNasheed) June 26, 2026
އެމްޑީޕީ އުފެދިގެން އައީ 2005 ވަނަ އަހަރު ރާއްޖޭގައި ސިޔާސީ ޕާޓީތައް ރަޖިސްޓްރީ ކުރުމުގެ ހުއްދަ ދިނުމާ ގުޅިގެންނެވެ. އޭގެ ފަހުން ރާއްޖޭގެ ވެރިކަން ދެ ފަހަރެއްގެ މަތިން އެ ޕާޓީން ވަނީ ކޮށްފައެވެ.އެމްޑީޕީ އުފެދިގެން އައީ 2005 ވަނަ އަހަރު ރާއްޖޭގައި ސިޔާސީ ޕާޓީތައް ރަޖިސްޓްރީ ކުރުމުގެ ހުއްދަ ދިނުމާ ގުޅިގެންނެވެ. އޭގެ ފަހުން ރާއްޖޭގެ ވެރިކަން ދެ ފަހަރެއްގެ މަތިން އެ ޕާޓީން ވަނީ ކޮށްފައެވެ. އޭގެ ތެރޭގައި ރައީސް މުޙައްމަދު ނަޝީދުގެ ވެރިކަމާއި، އެންމެ ފަހުން ނިމިދިޔަ ރައީސް އިބްރާހިމް މުޙައްމަދު ސޯލިހުގެ ފަސް އަހަރުގެ ދައުރު ހިމެނެއެވެ. އެހެން ނަމަވެސް ރައީސް ނަޝީދުގެ ވެރިކަމުގެ ދައުރު ފުރިހަމަ ނުވަނީސް އަމިއްލަފުޅަށް ވަނީ އިސްތިއުފާ ދެއްވާފައެވެ. އެހެން ކަމުން 5 އަހަރުގެ ދައުރެއް ފުރިހަމަ ކޮށްފައިވާ އެމްޑީޕީގެ ވެރިޔަކީ ކުރީގެ ރައީސް އިބްރާހިމް މުޙައްމަދު ސޯލިހުއެވެ.
