އުޒްބެކިސްތާނުގެ ހަރުކަށި ސެކިއުލާ ޤާނޫނުތަކުގެ ދަށުން، އަމިއްލަ ދަރިފުޅު ކީރިތި ޤުރުއާން ކިޔަވަން އިންނަ ވީޑިއޯއެއް ސޯޝަލް މީޑިއާއަށްލީ މުސްލިމް ބަފައަކު ކޯޓުން ކުށްވެރިކޮށް، ބޮޑު ޢަދަދަކުން ޖޫރިމަނާކޮށްފިއެވެ.
Uzbek Muslim charged for posting video of his child reciting Quran on social media
An Uzbek Muslim father was charged and fined for posting a video of his child reciting the Holy Quran on social media.
“I posted a video of my own child reading the Quran on my Instagram page.… pic.twitter.com/pvJkG3UaHC
— DOAM (@doamuslims) June 12, 2026
އޭނާގެ މައްޗަށް ދައުލަތުން ކުރި ދަޢުވާއަކީ ”ޤަވާއިދާ ޚިލާފަށް ދީނީ ތަކެތި އުފައްދައި، ރައްކާކޮށް، ނުވަތަ ފެތުރުން“ ކަމަށް ބުނާ ދަޢުވާއެވެ. އުޒްބެކިސްތާނުގެ ޤާނޫނު ބުނާގޮތުން، ކޮންމެ ދީނީ ލިޔުމެއް ނުވަތަ ވީޑިއޯއެއް ސޯޝަލް މީޑިއާއަށްލާންވާނީ ސަރުކާރުގެ ދީނީ ކޮމިޓީގެ ޚާއްޞަ ހުއްދައެއް ހޯދުމަށްފަހުގައެވެ.
މުސްލިމުންގެ ބޮޑު އެހީތެރިކަމާއި ރައްދު:
މި ޚަބަރު ފެތުރުމާއެކު، މުޅި ދުނިޔޭގެ އެކި ކޮޅުތަކުގައި ތިބި މުސްލިމުން ވަނީ އެ ބަަފާގެ ޖޫރިމަނާ ދައްކައިދޭން އެދި، އެހީތެރިކަމުގެ އަތް ދިއްކޮށްފައެވެ. ނަމަވެސް، ސަރުކާރުން ދޭ 50 އިންސައްތައިގެ ޑިސްކައުންޓް މުއްދަތު ހަމަވުމުގެ އެއްދުވަސް ކުރިން އޭނާ ވަނީ އަމިއްލައަށް އެ ފައިސާ ދައްކައި ޚަލާޞްކޮށްފައެވެ.
އޭނާ ސޯޝަލް މީޑިއާގައި މުސްލިމުންނަށް ޝުކުރުއަދާކުރަމުން ބުނީ: ”އަހަރެން ޖޫރިމަނާ ކުރީތީ ނުވަތަ އަދަބުދިނީތީ ކުޑަކޮށްވެސް ދެރައެއް ނުވޭ. އެއީ އަހަންނަށް އަދަބު މިދިނީ ވައްކަމެއް ނުވަތަ މަކަރެއް ހަދައިގެންނެއް ނޫން. އަހަންނަށް އަދަބު މިދިނީ ޤުރުއާން ކިޔެވުމުގެ ސަބަބުން. އަހަރެން އުންމީދު ކުރަނީ މީގެ ސަވާބާއި ދަރުމަ މާތް ﷲ ގެ ޙަޟްރަތުން ލިބޭނެ ކަމަށް.“ މި ހާދިސާއިން ހާމަވަނީ ދައުލަތުން ދީނީ ކަންކަން ހުއްޓުވަން ބިރުދެއްކިޔަސް، މުސްލިމުންގެ ހިތްތަކުގައިވާ އީމާންތެރިކަމާއި ކީރިތި ޤުރުއާނަށް އޮތް ލޯބި ފޮހެނުލެވޭނެ ކަމެވެ.
ސެކިއުލަރިޒަމްގެ ޚުދުމުހުތާރުކަން
ސެކިއުލަރ ޑިމޮކްރެސީގެ ޙަޤީޤީ ސޫރައަށް ބަލާއިރު، އެމީހުން ދައްކާ ފަލްސަފާގެ ބަސްމަގާއި ޢަމަލީގޮތުން ބާރު ބޭނުންކުރާ ގޮތްތަކާ ދެމެދު ބޮޑު ފުށުއެރުމެއް ހުންނަކަން ހާމަވެއެވެ. ސެކިއުލަރ ފިކުރުތަކުގެ އަސާސީ ބަހާއަކީ އަމިއްލަ މިނިވަންކަމާއި، ޚިޔާލު ފާޅުކުރުމުގެ މިނިވަންކަމާއި، ވަކި ފަރާތަކަށް ނުޖެހުން ކަމަށް ދަޢުވާކުރި ނަމަވެސް، ތާރީޚާއި މިހާރުގެ ހާދިސާތަކުން އެނގެނީ މިފަދަ ނިޒާމުތަކަށް ދައުލަތުގެ ބާރު ލިބުމާއެކު، މުސްލިމް އާބާދީތަކުގެ ދިރިއުޅުން ކޮންޓްރޯލްކޮށް، ދީނީ ކަންކަމަށް ހުރަސްއަޅާ ބާރަކަށް އެ ބަދަލުވާކަމެވެ. މި ދެއްކުންތެރިކަމުގެ އެންމެ ސާފު އެއް މިސާލަކީ، މިނިވަންކަމުގެ ނަމޫނާއެއްގެ ގޮތުގައި ދުނިޔެއަށް ދައްކާ ފަރަންސޭސިވިލާތެވެ. އެ ޤައުމުން ވަނީ ޤާނޫނީ ނިޒާމުގެ ބޭނުން ހިފައިގެން މުސްލިމުންގެ އަސާސީ ދީނީ މިނިވަންކަމަށް ހުރަސްއަޅައި، ޙިޖާބާއި ނިޤާބު މަނާކޮށް، ދީނީ މުއައްސަސާތައް ހަނިކުރުމަށް ހަރުކަށި ޤާނޫނުތަކެއް ހަދާފައެވެ.
މުސްލިމުންނަށް ހަމައެކަނި އޮތް ޙައްލަކީ އިސްލާމީ ޝަރީޢަތް
މުސްލިމުން ވިސްނަންޖެހޭ ޙަޤީޤަތަކީ، އުނި އިތުރުންތައް އަންނަ، އަދި ކޮރަޕްޝަނުން ފުރިފައިވާ ޑިމޮކްރެސީގެ ނިޒާމަށް ބަރޯސާވެގެން މުސްލިމުންގެ މައްސަލަތަކަށް ދާއިމީ ޙައްލެއް ނުލިބޭނެ ކަމެވެ. އިންސާނުންނަށް ބާރުދީގެން، މާތް ﷲ ގެ މުޤައްދަސް ޝަރީޢަތާ ޚިލާފު ޤާނޫނުތައް ހެދުމަށް ފުރުޞަތުދޭ ޑިމޮކްރެސީގެ ސަބަބުން، މުސްލިމް އުންމަތް އަބަދުވެސް އޮންނާނީ ސިޔާސީ އޮއިވަރުތަކުގެ ތެރޭގައި ނިކަމެތިވެފައެވެ. މިއަދު މުސްލިމުންގެ އަޣްލަބިއްޔަތު އޮތް ޤައުމެއް ނަމަވެސް، މާދަމާ ސެކިއުލަރ ފިކުރުގެ ބަޔަކު ނުވަތަ ޒަޔަނިސްޓް ޕާޓީއަކުން ޕާލަމެންޓް ތެރޭގައި ނުފޫޒު ފޯރުވައިފިނަމަ، މުސްލިމުންގެ ޙައްޤުތައް އެއް ރެއެއްގެ ތެރޭގައި އަތުލައި، ހަރުކަށި ޤާނޫނުތައް ފާސްކުރުމުގެ ފުރުޞަތު އެބައޮތެވެ. އެހެންކަމުން، މުސްލިމުން ހޭލާ، ހުޅަނގުން މަޖުބޫރުކޮށްފައިވާ މި ދެއްކުންތެރި ޑިމޮކްރެސީ ދޫކޮށް، މާތް ﷲ ގެ އިލާހީ ޝަރީޢަތަށް އެނބުރި ދާންޖެހެއެވެ. މުސްލިމުންގެ އަބުރާއި، ޢިއްޒަތާއި، ދީނީ މިނިވަންކަމާއި، ލެޔާއި މުދާ ދާއިމީގޮތެއްގައި ރައްކާތެރިކޮށް، ސަލާމަތްތެރިކަން ދެވޭނީ ހަމައެކަނި އިލާހީ ޝަރީޢަތުގެ ދަށުންނެވެ.
ޑިމޮކްރަސީއަށް ނޫނެކޭ ބުނަން ކެރޭނީ ޙަގީގީ މުސްލިމުންނަށް. މުސްލިމުން މުޑުދާރު ޑިމޮކްރެސީއާކީ އިސްލާމްދީނުގެ ޢަދާވާތްތެރިން އެއްކަން މުޅި ދުނިޔެ އިން މިހާރުވެސް އެހެރަ ފެންނަނީ.