މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) ގެ ބޯޑުގެ ޗެއަރޕާސަންކަމުގެ މަގާމަށް ސަޢާދާ އިބްރާހިމް އައްޔަންކުރައްވައިފިއެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން (ޕީސީބީ) މިއަދު މީސް މީޑިއާގައި ހިއްސާކުރި ޕޯސްޓެއްގައި ބުނެފައިވަނީ އެމްޓީސީސީގެ ޑިރެކްޓަރުންގެ ބޯޑުގެ މެންބަރު ކަމަށާއި ޗެއަރޕާސަންގެ މަގާމަށް، ދަޕްތަރު ނަންބަރު ރސ 14819، ސަޢާދާ އިބްރާހިމް މިއަދު އައްޔަންކުރައްވާފައިވާ ކަމަށެވެ.
އެމްޓީސީސީގެ ޗެއަރޕާސަންގެ މަގާމު ހުސްވީ، ކުރިން އެ މަގާމުގައި ހުންނެވި މުހައްމަދު އަފީފް ހުސައިން، ފެނަކަ ކޯޕަރޭޝަންގެ މެނޭޖިންގ ޑިރެކްޓަރުގެ މަގާމަށް ބަދަލުކުރެއްވުމާ ގުޅިގެންނެވެ.
