ގިނަ އަދަދެއްގެ ފަތުރުވެރިންނާއިއެކު ކްރޫޒްލައިނާއެއް ރާއްޖެއަށް އަތުވެއްޖެއެވެ.
ނޯވޭގެ ”އެމްއެސް ވިކިންގ ޔި ޑުން“ ނަމަކަށް ކިޔާ މި ކްރޫޒްލައިލް ރާއްޖެ އައިސްފައިވަނީ ސްރީލަންކާގެ ކޮލަމްބޯއިންނެވެ. މި ކްރޫޒްލައިނުން ރާއްޖެއަށް ޒިޔާރަތްކުރި ފަތުރުވެރިން ވަނީ މާލެއަށް ފައިބާފައެވެ. މީގެ ކުރިން މި ކްރޫޒުލައިނާ ވަނީ ތައިލެންޑާއި މެލޭޝިޔާގައި ވެސް މަޑުކޮށްފައެވެ.
Seaport officers facilitated immigration en-route clearance for 732 passengers and 486 crew members aboard the MS Viking Yi Dun, which arrived in Malé today from Colombo, Sri Lanka. pic.twitter.com/Bd3YC7wb00
— Maldives Immigration (@ImmigrationMV) June 23, 2026
މި ކްރޫޒްލައިނާއިން ރާއްޖެ ޒިޔާރަތްކޮށްފައިވަނީ 732 ފަތުރުވެރިންނާއި އަދި 486 ކްރޫ މެންބަރުންނެވެ. މި އެންމެންނަށް އިމިގްރޭޝަނުން ވަނީ ކްލިއަރެންސް ދީފައެވެ. މި ކްރޫޒްލައިނާއިން ގިނައިން އައިސްފައިވަނީ، ޗައިނާގެ ފަތުރުވެރިންކަން ފާހަގަކޮށްލަންޖެހެއެވެ.
ރާއްޖެއަކީ އަބަދުވެސް ކްރޫޒްލައިނާތަކުގެ މެދުގައި މަގުބޫލު މަންޒިލެކެވެ. އެގޮތުން އަހަރުގެ މިހާތަނަށް 10 ކްރޫޒްލައިނާ ވަނީ ރާއްޖެއަށް އައިސްފައެވެ. ޓޫރިޒަމް މިނިސްޓްރީގެ ތަފާސް ހިސާބުތައް ދައްކާގޮތުން އަހަރުގެ މިހާތަނަށް ރާއްޖެއަށް ކްރޫޒްލައިންތަކުން 14،847 ފަތުރުވެރިން ޒިޔާރަތްކޮށްފައިވެއެވެ. މިދިޔަ އަހަރުގެ މި މުއްދަތުގައި ރާއްޖެއަށް ޒިޔާރަތްކޮށްފައިވަނީ 8،263 ފަތުރުވެރިންނެވެ.
