ވޭތުވެދިޔަ ހަފުތާގެ ތެރޭގައި ސިއްހީ އަވަސް ފަރުވާ ބޭނުންވި ފަރާތްތަކުން އެއް ރަށުން އަނެއް ރަށަށް އުފުލައިދީ، މެޑިކަލް އިވެކުއޭޝަންގެ އޮޕަރޭޝަންތަކެއް ކުރިއަށް ގެންގޮސްފައިވާ ކަަމަށް އެމްއެންޑީއެފްއިން ބުނެފިއެވެ.
މިކަމާ ގުޅިގެން އެމްއެންޑީއެފްއިން ބުނެފައިވަނީ، މި އޮޕަރޭޝަންތަކުގައި އެމްއެޑީއެފްގެ ކޯސްޓްގާޑް ސްކޮޑްރަންތަކާއި ސީއެމްބިއުލާންސް ހިމެނޭހެން ޖުމުލަ 65 މެޑިކަލް އިވެކުއޭޝަން ކާމިޔާބުކަމާއެކު ކުރިއަށް ގެންގޮސްފައިވާ ކަމަށެވެ.
ވޭތުވެދިޔަ ހަފުތާގައި ކޯސްޓްގާޑުން ޞިއްޙީ އަވަސް ފަރުވާ ދިނުމަށް ބަލިމީހުން އުފުލުމުގެ 65 މެޑިކަލް އިވެކުއޭޝަން ހަދައިދީފި. pic.twitter.com/YbvehsgdPP
— Maldives National Defence Force (@MNDF_Official) June 20, 2026
މި އޮޕަރޭޝަންތަކުގެ ތެރެއިން އެންމެ ގިނަ އިވެކުއޭޝަންތައް ކުރިއަށް ގެންގޮސްފައިވަނީ ކޯސްޓްގާޑު ފަސްޓް ސްކޮޑްރަންއިންނެވެ. އެގޮތުން ފަސްޓް ސްކޮޑްރަންއިން 32 މެޑިކަލް އިވެކުއޭޝަން ކުރިއަށް ގެންގޮސްފައިވާއިރު، ސެކަންޑް ސްކޮޑްރަންއިން ތިން އިވެކުއޭޝަން ވަނީ ކުރިއަށް ގެންގޮސްފައެވެ. ތާޑް ސްކޮޑްރަންއިން 14 އިވެކުއޭޝަން ކުރިއަށް ގެންގޮސްފައިވާއިރު، ފޯތު ސްކުއަޑްރަންއިން 15 އިވެކުއޭޝަން ކުރިއަށްގެންގޮސްފައިވެއެވެ.
ހަމައެހެންމެ، ސީ އެމްބިއުލަންސް E9 54 އިން ވަނީ އެއް މެޑިކަލް އިވެކުއޭޝަން ކުރިއަށް ގެންގޮސްފައެވެ.
ފާހަގަކޮށްލަންޖެހޭ ގޮތުގައި، ކުއްލި ހާލަތްތަކުގައި ބަލިމީހުން ރަނގަޅު ސިއްހީ ފަރުވާއެއް ލިބޭ ރަށްރަށަށް ގެންގޮސްދިނުމަކީ ކޯސްޓްގާޑުން އަބަދުވެސް ކުރަމުން އަންނަ މަސައްކަތެކެވެ.
