ހުޅުމާލެ ދެވަނަ ފިޔަވަހީގައި ހުރި ފިހާރައަކަށް ތޫނު ހަތިޔާރާއެކު ވަދެގަނެ، ބިރުދައްކައި މާރާމާރީ ހިންގި މައްސަލަ ފުލުހުން ބަލަން ފަށައިފިއެވެ.
މި ހާދިސާއާއި ގުޅިގެން ދިވެހި ފުލުހުންގެ ހިދުމަތުން ބުނެފައިވަނީ، ތޫނު ހަތިޔާރު ހިފައިގެން ހުރި މީހަކު ފިހާރައަކަށް ވަދެ މާރާމާރީ ހިންގި މައްސަލަ ފުލުހުންނަށް މިއަދު ރިޕޯޓުކޮށްފައިވާ ކަމަށެވެ. މި ހާދިސާއާއި ގުޅިގެން ފުލުހުންގެ ބެލުމުގެ ދަށަށް ދިވެހި ފިރިހެނަކު ގެންގޮސްފައިވާ ކަމަށް ފުލުހުން ބުންޏެވެ.
ފުލުހުން ބުނީ މި މައްސަލައާއި ގުޅިގެން އިތުރަށް ބަލަންޖެހޭ ކަންކަން ބަލައި ތަހުގީގުކުރަމުން އަންނަ ކަމަށެވެ.
”އެކި އެމްވީ“ އަށް މައުލޫމާތު ލިބިފައިވާ ގޮތުގައި، މި ފިހާރައަކީ މިފަހުން ބޭއްވި ލޯކަލް ކައުންސިލްތަކުގެ އިންތިހާބުގައި މާލެ ސިޓީ ކައުންސިލްގެ ހުޅުމާލެ ދެކުނު ދާއިރާއަށް ޕީއެންސީގެ ފަރާތުން ވާދަކުރެއްވި ކެންޑިޑޭޓް އަޙްމަދު އުބައިދުގެ ފިހާރައެވެ.
