ދަރަނި ދެއްކެވުމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ގެންގުޅުއްވަނީ ހަރުދަނާ ސިޔާސަތުތަކެއް ކަމަށް ރައްޔިތުންގެ މަޖިލީހުގެ ހިތަދޫ މެދު ދާއިރާ ތަމްސީލުކުރައްވާ މެންބަރު އަޙްމަދު އަޒާން ވިދާޅުވެއްޖެއެވެ.
މީސް މީޑިއާގައި ހިއްސާކުރެއްވި ޕޯސްޓެއްގައި އަޒާން ވިދާޅުވީ، މި ސަރުކާރުން އަނބުރާ ދައްކާފައިވާ ދަރަނީގެ ބޮޑު ބަޔަކީ ކުރީގެ ރައީސް އިބްރާހީމް މުޙައްމަދު ޞާލިޙުގެ ސަރުކާރުގައި ނަގާފައިވާ ދަރަނިތަކެއް ކަމަށެވެ. އެގޮތުން ޞާލިޙުގެ ސަރުކާރުން ނަގާފައިވާ ދަރަނީގެ ތެރެއިން 891.2 މިލިއަން އެމެރިކާ ޑޮލަރު މި ސަރުކާރުން ވަނީ ދައްކާ ހަލާސްކޮށްފައެވެ.
President @MMuizzu ‘s administration has handled the debt situation of Maldives in a disciplined and responsible manner.
Most of this debt was not created by this administration. In fact, USD 891.2 million of the debt repaid during this administration were loans taken during the… pic.twitter.com/3KN3PdXKzg
— Ahmed Azaan (@axanner) June 18, 2026
ވޭތުވެދިޔަ 2.5 އަހަރު ދުވަހުގެ ތެރޭގައި އެކަނިވެސް 1.29 ބިލިއަން އެމެރިކާ ޑޮލަރުގެ ދަރަނި ބޭރުގެ ފަރާތްތަކަށް އަނބުރާ ދައްކާފައި ކަމަށާއި، އޭގެ ތެރޭގައި 500 މިލިއަން ޑޮލަރުގެ ސުކޫކާއި، އިންޑިއާއާއެކު ހަދާފައިވާ ކަރަންސީ ސްވޮޕް އެގްރީމަންޓާއި، އަދި އެސްބީއައިއަށް ދައްކަންޖެހޭ 50 މިލިއަން ޑޮލަރުގެ ބޮންޑު ހިމެނޭ ކަމަށް އަޒާން ވަނީ ވިދާޅުވެފައެވެ.
މިފަދަ ބޮޑެތި އަދަދުތަކުން ދަރަނި ދައްކަމުންދިޔަ ނަމަވެސް، ރާއްޖޭގެ ރިޒާވް ވަރުގަދަ ކުރެވިފައިވާކަން ފާހަގަކުރައްވައި އަޒާން ވިދާޅުވީ، 2026 ވަނަ އަހަރުގެ މާރިޗު މަހުގެ ނިޔަލަށް ރާއްޖޭގެ ރިޒާވްގައި 1.3 ބިލިއަން ޑޮލަރު ހުރި ކަމަށެވެ.
މީގެ އިތުރުން، ރާއްޖޭގެ ޖީޑީޕީގެ ނިސްބަތުން ބޭރުގެ ދަރަނި ހުރި މިންވަރު ވެސް ވަނީ ފާހަގަކޮށްލެވޭ މިންވަރަކަށް ދަށްކުރެވިފައިވާކަން އަޒާން ވިދާޅުވިއެވެ. އެގޮތުން 2023 ވަނަ އަހަރުގެ ޑިސެމްބަރު މަހު ޖީޑީޕީގެ ނިސްބަތުން 51.3 އިންސައްތައިގައި ދަރަނި ހުރިއިރު، 2026 ވަނަ އަހަރުގެ މެއި މަހުގެ ނިޔަލަށް މި އަދަދު ވަނީ 44.5 އިންސައްތައަށް ދަށްކުރެވިފައެވެ.
މި ހުރިހާ ކަމަކުން ހާމަވަނީ، ގައުމަށް ކުރިމަތިވެފައިވާ ދަތި ދަރަނީގެ ހާލަތާ ސަރުކާރުން ކުރިމަތިލަމުންދަނީ ނުހަނު ސީރިއަސްކަމާއެކު، ދުރާލާ ރޭވިފައިވާ ހަރުދަނާ ސިޔާސަތުތަކެއްގެ ދަށުން ކަމަށް އަޒާން ވަނީ އިތުރަށް ވިދާޅުވެފައެވެ.
