ދުނިޔޭގެ އެންމެ ބޮޑު ކުޅިވަރު އީދު، ފީފާ ވޯލްޑްކަޕް ފުޓްބޯޅަ މުބާރާތުގެ 23 ވަނަ އެޑިޝަން މިއަދު ރަސްމީކޮށް ފަށައިފިއެވެ. މެކްސިކޯ، ކެނެޑާ އަދި އެމެރިކާ ގުޅިގެން ބާއްވާ މި ފޯރިގަދަ މުބާރާތުގެ ފުރަތަމަ މެޗުގައި ބައްދަލުކުރަނީ މުބާރާތް ބާއްވާ އެއް ގައުމު ކަމަށްވާ މެކްސިކޯ އާއި ސައުތު އެފްރިކާއެވެ.
މެކްސިކޯގެ މެކްސިކޯ ސިޓީ ސްޓޭޑިއަމްގައި ކުޅޭ މި ފޯރިގަދަ މެޗު ފެށުމުގެ 90 މިނެޓު ކުރިން، މުބާރާތް ހުޅުވުމުގެ ކުލަގަދަ ރަސްމިއްޔާތެއް ވަނީ އެ ސްޓޭޑިއަމްގައި ބާއްވާފައެވެ. މިއީ މުޅި ދުނިޔޭގެ ސަމާލުކަން ހުއްޓިފައިވާ މި ބޮޑު މުބާރާތުގެ ފެށުން ރަމްޒުކޮށްދިން ހަރަކާތެކެވެ.
FIFA world cup 2026 opening ceremony. pic.twitter.com/HLDHt67ZaC
— Worldly (@WorldlyHQ) June 11, 2026
މި މުބާރާތް އިންތިޒާމުކުރާ އަނެއް ދެ ގައުމު ކަމަށްވާ ކެނެޑާ އާއި އެމެރިކާގެ ފުރަތަމަ މެޗުތައް އޮންނާނީ އަންނަ ހުކުރު އަދި ހޮނިހިރު ދުވަހުއެވެ. މި ދެ ގައުމުގައި ކުޅޭ ފުރަތަމަ މެޗުތަކުގެ ކުރިންވެސް ހާއްސަ ހުޅުވުމުގެ ރަސްމިއްޔާތުތައް ބޭއްވުމަށް ވަނީ ތާވަލުކުރެވިފައެވެ.
2022 ވަނަ އަހަރު ގަތަރުގައި ބޭއްވި ވޯލްޑްކަޕް ކާމިޔާބުކޮށް، މިވަގުތު ދުނިޔޭގެ ޗެމްޕިއަނުންގެ މަގާމުގައި އޮތް އާޖެންޓީނާއިން އެ ގައުމުގެ ފުރަތަމަ މެޗުގައި އަންނަ ބުދަ ދުވަހު ނުކުންނާނީ އަލްޖީރިއާއާ ދެކޮޅަށެވެ.
ފުޓްބޯޅައިގެ މި ބޮޑު އީދު ކުރިއަށްދާނީ ތިން ގައުމެއްގެ އެކި ސިޓީތަކުގައެވެ. މިއީ ވޯލްޑްކަޕްގެ ތާރީޚުގައިވެސް އެންމެ ގިނަ ޓީމުތައް ބައިވެރިވާ އަދި އެންމެ ފުޅާކޮށް ބޭއްވޭ މުބާރާތެވެ.
