މި އަހަރުގެ ފީފާ ވޯލްޑް ކަޕް ފޯރިގަދަކޮށް ބެލުންތެރިންނަށް ގެނެސްދިނުމަށްޓަކައި، ހައުސިންގ ޑިވެލޮޕްމަންޓް ކޯޕަރޭޝަން އެޗްޑީސީއާއި ޕީއެސްއެމް ގުޅިގެން ހުޅުމާލޭގެ ތިން ސަރަހައްދެއްގައި ވޯލްޑް ކަޕްގެ މެޗުތައް ބެލުމަށް ބޮޑު ސްކްރީންތައް ބަހައްޓައިފިއެވެ.
މިކަމާ ގުޅިގެން އެޗްޑީސީން ބުނެފައިވަނީ، ބޮޑު ސްކްރީންތައް ބަހައްޓާފައިވާ ހުރިހާ ސަރަހައްދަކުން ވެސް ވޯލްޑް ކަޕްގެ މެޗުތައް ދައްކާނެ ކަމަށެވެ. ބޮޑު ސްކްރީނުން ވޯލްޑް ކަޕްގެ މެޗުތައް ބެލޭނެ އިންތިޒާމު ހަމަޖައްސާފައިވާ ތިން ސަރަހައްދަކީ:
• ހުޅުމާލެ ފޭސް 1 ސެންޓްރަލް ޕާކު
•ހުޅުމާލެ ފޭސް 1 ފްލެޓް 137 ކައިރީގައި ހުންނަ ހެދިކާ ޓެންޓު ކައިރި
•ހުޅުމާލެ ފޭސް 2 ވިނަރެސް ޓަވަރު 9 ކުރިމަތީގައި ހުންނަ ރޯދަ މާރުކޭޓް ޓެންޓު ކައިރި
ވޯލްޑް ކަޕްގެ ފޯރި މުޅި ރާއްޖޭގައި ގަދަވެފައިވާއިރު، އެޗްޑީސީގެ އަމާޒަކީ ހުޅުމާލޭގައި ދިރިއުޅޭ ރައްޔިތުންނަށް ހިތްހަމަޖެހޭ ފޯރިގަދަ މާހައުލެއްގައި ހިލޭ މި މެޗުތައް ބެލޭނެ އިންތިޒާމު ހަމަޖައްސައިދިނުމެވެ.
