ޖޫން 7، 2026 – އިޒްރޭލުގެ ސަލާމަތީ އައްޑަނަތައް ފޫއަޅުވާލައި، (އިސްތިއުމާރުކޮށްފައިވާ) މެދުތެރޭ އިޒްރޭލުގެ ތިން ސަރަޙައްދެއްގައި ދިން ހިތްވަރުގަދަ ބަޑީގެ ޙަމަލާތަކެއްގައި ޔަހޫދީއަކު މަރާލައި، އިތުރު ފަސް މީހުން ބޮޑުތަނުން ޒަޚަމްކޮށްލައިފިއެވެ. އިޒްރޭލުގެ އެމްބިއުލާންސް ޚިދުމަތުން (އެމްޑީއޭ) ކަށަވަރުކޮށްދޭ ގޮތުގައި، މި ޙަމަލާގައި މަރުވެފައިވަނީ އުމުރުން 35 އަހަރުގެ ޔަހޫދީ ފިރިހެނެކެވެ.
ޙަމަލާގެ ތަފްޞީލާއި އަސްކަރީ ހާސްކަން:
އިޒްރޭލުގެ ނިރުބަވެރި ފުލުހުން ބުނާގޮތުގައި، މި ޙަމަލާ ފެށިފައިވަނީ އިސްތިއުމާރުކޮށްފައިވާ ވެސްޓު ބޭންކުގެ ޤަލްޤީލްޔާ ސިޓީގެ ކައިރީގައި އޮންނަ ”ކޮޗާވް ޔައިރު“ ސަރަޙައްދުގެ ތެޔޮ މަރުކަޒަކުންނެވެ. ޙަމަލާދިން ހިތްވަރުގަދަ ޒުވާނާ ވަނީ އެތަނުން ބަޑިޖަހަން ފެށުމަށްފަހު، ކައިރީގައި ހުރި ”ޒޫރު ޔިޠުޒްހާކް“ އަދި ”ޒޫރު ނަތާން“ ސިޓީތަކަށް ދަތުރުކޮށް، މަގުމަތިން ޖެހުނު ޔާހޫދީންނަށް އަމާޒުކޮށް ބަޑީގެ ޙަމަލާތަކުގެ ބޮޑު ސިލްސިލާއެއް ކުރިއަށް ގެންގޮސްފައެވެ. މީގެ ސަބަބުން ޒަޚަމްވި 5 ޔަހޫދީންގެ ތެރެއިން ދެ މީހެއްގެ ޙާލަތު ވަރަށް ސީރިއަސްއެވެ.
އިސްތިއުމާރީ ސިފައިންނާއި ބޯޑަރު ގާޑުން ހިންގި ބޮޑު އޮޕަރޭޝަނެއްގައި، ޙަމަލާދިން ހިތްވަރުގަދަ ޒުވާނާ ވަނީ ބަޑިޖަހައި ޝަހީދުކޮށްލާފައެވެ. އިސްތިއުމާރުގެ ފުލުހުން ފަހުން ހާމަކުރި ގޮތުގައި، ޙަމަލާދިން ޒުވާނާއަކީ ބޭރުން އައި މީހެއް ނޫނެވެ؛ އެއީ އިޒްރޭލުގެ ރައްޔިތެއްކަން އަންގައިދޭ ޕާސްޕޯޓު އޮތް، އިޒްރޭލުގެ ”ޠައްޔިބާ“ ސިޓީއަށް ނިސްބަތްވާ ފަލަސްޠީނު ޒުވާނެކެވެ.
އިސްތިރާޖީ ތަޙުލީލު: އަނިޔާވެރި އިސްތިއުމާރު ދެމިއޮއްހާ ހިނދަކު ޔަހޫދީންނަކަށް އަމާންކަމެއް ނެތް
ސިޔާސީ އަދި އަސްކަރީ ދިރާސާކުރާ ފަރާތްތަކުން ބުނާގޮތުގައި، މި ޙަމަލާއިން އިޒްރޭލުގެ ދިފާޢީ ނިޒާމަށް ވަނީ ބޮޑު ސިހުމެއް ލިބިފައެވެ. ޔަހޫދީ އިސްތިއުމާރުން ބޯޑަރުތައް ބަންދުކޮށް، ފަލަސްޠީނުގެ ނިކަމެތި އާބާދީތައް ކެޖޭ ބަންދުކޮށްގެން އަނިޔާވެރިކަން އިތުރުކުރިޔަސް، ދައުލަތުގެ ދާޚިލީ ނޭވާ ހިފަހައްޓައެއް ނުލެވޭނެއެވެ. އިޒްރޭލުގެ ސަރަޙައްދީ ކައުންސިލްގެ ރައީސް އޮޝްރިޓް ގާނީ ގޮނެން ހާމަކުރި ގޮތުގައި، އެމީހުން އަބަދުވެސް ބިރުގަންނަނީ ބޯޑަރު ހުރަސްކޮށް ބޭރުން އަތުވެދާނެ ޙަމަލާއަކަށެވެ؛ ނަމަވެސް އަމިއްލަ ޤައުމުގެ އެތެރޭގައި ތިބި ”އިޒްރޭލުގެ ސިޓިޒަނުން“ މިފަދަ ބޮޑު ޙަމަލާއެއް ދީފާނެ ކަމަށް އެކަކުވެސް ހީއެއް ނުކުރެއެވެ.
ޙަމަލާއާ ގުޅިގެން އިޒްރޭލުގެ ސިއްރު ފުލުހުން (ޝިން ބެތު) ވަނީ ޠައްޔިބާ ސިޓީއަށް ވަދެގަނެ، ކައިރީގައި ހުރި ޢަރަބި އަވަށްތައް އަސްކަރީގޮތުން ބަންދުކޮށް، ބޮޑު ބްލޮކޭޑެއް ހިންގަން ފަށާފައެވެ. ފަލަސްޠީނުގެ މިނިވަންކަމަށް މަސައްކަތްކުރާ ޙަމާސް ޖަމާޢަތުން ވަނީ މި ޙަމަލާއަކީ ޖެހިލުންކުޑަ، ”ހީރޯއިކް“ އޮޕަރޭޝަނެއްގެ ގޮތުގައި ސިފަކޮށް، މަރުޙަބާ ކިޔާފައެވެ. ޔަހޫދީ އިސްތިއުމާރުގެ ނިރުބަވެރި ބޮޑުވަޒީރު ބެންޖަމިން ނަތަންޔާހޫގެ އޮފީހުން މިހާރު ވަނީ ކުއްލި ސަލާމަތީ ބައްދަލުވުމެއް ބާއްވައި، މުޅި ޤައުމު ހައި-އެލާޓަށް ގެނެސްފައެވެ.
