ފުލުހުންގެ ސްޕޯކްސް ޕާސަންކަމުގެ މަގާމުން އެސިސްޓެންޓް ކޮމިޝަނަރ އޮފް ޕޮލިސް އަޙްމަދު ޝިފާން ވަކިކޮށްފިއެވެ.
ފުލުހުންގެ ސްޕޯކްސް ޕާސަންކަމުގެ މަގާމުން އެސިސްޓެންޓް ކޮމިޝަނަރ އޮފް ޕޮލިސް އަޙްމަދު ޝިފާން ވަކިކުރީ ކޮން ސަބަބަކާ ހުރެ ކަމެއް ފުލުހުންގެ އިދާރާއިން ބުނެފައި ނުވި ނަމަވެސް، ފުލުހުންގެ އިދާރާގެ އޮނިގަނޑަށް މީގެ ދުވަސްކޮޅެއް ކުރިން ވަނީ ބަދަލުތަކެއް ގެނެސްފައެވެ.
ފުލުހުންގެ ސްޕޯކްސް ޕާސަންކަމުގެ މަގާމަށް ޝިފާން އައްޔަންކުރީ 2024 ވަނަ އަހަރުގެ ފެބްރުއަރީ މަހުގެ ތެރޭގައެވެ.
ޝިފާންގެ ބަދަލުގައި އެ މަގާމަށް މިހާރު އައްޔަންކޮށްފައިވަނީ ސުޕްރިޑެންޓެންޓް އޮފް ޕޮލިސް ޢަލީ އާރިފްއެވެ. ފުލުހުންގެ ސްޕޯކްސް ޕާސަން ކަމަށް އައްޔަންކުރުމުގެ ކުރިން އާރިފް ހުންނެވީ ސްޓްރެޓެޖިކް ޕްލޭނިންގ އެންޑް ލީގަލް ސަރވިސް ޑިޕާޓްމަންޓްގައެވެ. މިގެ ކުރިން އޭނާ ވަނީ ގޭންގް ކުށްތަކާ ބެހޭ ޑިޕާޓްމެންޓްގައި ވެސް އިސްކޮށް މަސައްކަތް ކުރައްވައިފައެވެ.
މި ބަދަލާއެކު، މީޑިއާތަކަށް ބޭނުންވާ މައުލޫމާތު ފޯރުކޮށްދިނުމާއި، މުއައްސަސާގެ ފަރާތުން އާންމުންނާ ކުރާ މުއާމަލާތްތަކުގައި އެންމެ އިސްކޮށް ދެން ހަރަކާތްތެރިވާނީ ސުޕްރިންޓެންޑެންޓް ޢާރިފެވެ.
