ހއ. ބާރަށުގައި ގާއިމްކުރާ ގުރްއާނާ ބެހޭ މަރުކަޒުގެ އައުޓްރީޗް ސެންޓަރު ގާއުމްކުރުމަށް ބޭނުންވާ ބަޖެޓް އިސްލާމިކް މިނިސްޓްރީގެ ފަރާތުން އެ ރަށު ކައުންސިލަށް ހަމަޖައްސައިދީފިއެވެ.
މިކަން ހާމަކުރައްވައި ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ޝުޖާއު މީސް މީޑިއާގައި ހިއްސާކުރެއްވި ޕޯސްޓެއްގައި ވިދާޅުވީ، މުޅިރާއްޖޭގައި ކީރިތި ގުރްއާނުގެ އިލްމު ފެތުރުމުގެ ސިޔާސަތުގެ ދަށުން ހއ. ބާރަށުގައި ގާއިމްކުރާ ކީރިތި ގުރްއާނާ ބެހޭ ގައުމީ މަރުކަޒުގެ އައުޓްރީޗް ސެންޓަރ ގާއިމްކުރުމަށް ބޭނުންވާ ބަޖެޓް އިސްލާމިކް މިނިސްޓްރީގެ ފަރާތުން އެ ރަށު ކައުންސިލަށް ހަމަޖައްސަވައި ދެއްވާފައިވާ ކަމަށެވެ.
މުޅިރާއްޖޭގައި ކީރިތި ޤުރުޢާނުގެ ޢިލްމު ފެތުރުއްވުމުގެ ސިޔާސަތުގެ ދަށުން ހއ.ބާރަށުގައި ޤާއިމް ކުރާ ކީރިތި ޤުރުއާނާ ބެހޭ ޤައުމީ މަރުކަޒުގެ އައުޓްރީޗް ސެންޓަރ ޤާއިމް ކުރުމަށް ބޭނުންވާ ބަޖެޓް މިނިސްޓްރީ އޮފް އިސްލާމިކް އެފެއަރޒްގެ ފަރާތުން ހއ.ބާރަށު ކައުންސިލަށް މިއަދު ވަނީ… pic.twitter.com/7JqUaWTK8B
— Ibrahim Shujau (@IbrahimShujaau) June 4, 2026
ޝުޖާއު ވަނީ، ގުރްއާނުގެ އިލްމު ރާއްޖޭގައި ފެތުރެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެެއްވާ އިސްކަމަށްޓަކައި އެމަނިކުފާނަށް ޝުކުރު އަދާކުރައްވައިފައެވެ. ހަމައެހެންމެ، މިހާ އަވަހަށް އެ ރަށު ކައުންސިލަށް މި އިންތިޒާމް ހަމަޖައްސަވައި ދެއްވުމުން އިސްލާމިކް
މިނިސްޓްރީއަށް ވެސް އޭނާ ޝުކުރު އަދާކުރެއްވިއެވެ.
މީގެ އިތުރުން މި ސެންޓަރުގެ ހިދުމަތް ބާރަށުގެ ކުދި ބޮޑު އެންމެހައި ރައްޔިތުންނަށް ހޯއްދަވައި ދެއްވުމަށް އެ ރަށު ކައުންސިލްގެ ފަސް ވަނަ ދައުރުގެ ރައީސާއި ކައުންސިލް މެންބަރުން ކުރު މުއްދަތެއްގެ ތެރޭގައި ކުރެއްވި ބުރަ އަދި ހިތްވަރުގަދަ މަސައްކަތްތަކަށް ވެސް ޝުކުރު އަދާކުރައްވާ ކަމަށް ޝުޖާއު ވިދާޅުވިއެވެ.
ޝުޖާއު ވަނީ ބާރަށުގައި ގުރްއާނުގެ އިލްމު އުނގެނުމުގެ ފުރުސަތު ވަރަށް އަވަސް މުސްތަގުބަލެއްގައި އެ ރަށުގެ ރައްޔިތުންނަށް ފަހިވެގެންދާނެ ކަމުގެ ޔަގީންކަން ދެއްވައިފައެވެ.
