ސަބްސްކްރިޕްޝަން ޕޭމަންޓެއް ރިޖެކްޓް ވެއްޖެނަމަ ސީދާ ބޭންކަށް ގުޅައިގެން އެހީތެރިކަން ހޯދުމަށް ބޭންކް އޮފް މޯލްޑިވްސް (ބީއެމްއެލް) އިން އެދިއްޖެއެވެ.
މިކަމާ ގުޅިގެން މީސް މީޑިއާގައި ހިއްސާކުރި ޕޯސްޓެއްގައި ބީއެމްއެލްއިން ބުނީ، ސަބްސްކްރިޕްޝަން ޕޭމަންޓްތައް އެ ބޭންކުން ބްލޮކް ކޮށްފައިނުވާނެ ކަމަށެވެ. ސަބަބަކީ އެފަދަ މުއާމަލާތްތަކަކީ ޑެއިލީ ފޮރިންގ ސްޕެންޑް ބަޖެޓުގެ ތެރޭގައި ހިމެނޭ މުއާމަލާތްތަކަކަށް ނުވާތީ ކަމަށް ވެސް ބީއެމްއެލްއިން ވަނީ ބުނެފައެވެ.
We have not restricted subscription payments, and such transactions do not fall under the daily foreign spend budget. However, we have noticed that, for various reasons, some subscription payments have been declined by merchants.
If your subscription payment has declined, please…
— Bank of Maldives (@bankofmaldives) June 4, 2026
ކަން މިހެން އޮތް ނަމަވެސް، ދިމާވާ ބައެއް ސަބަބުތަކާ ހުރެ ސަބްސްކްރިޕްޝަން ޕޭމަންޓްތައް މާޗަންޓުން ރިޖެކްޓްކުރާކަން ފާހަގަކުރެވިފައިވާ ކަމަށް ބީއެމްއެލްއިން ވަނީ ބުނެފައެވެ. ބީއެމްއެލްގެ ކާޑުތަކުން ކުރާ ބޭރު ފައިސާގެ މުއާމަލާތްތަކަށް ވަކި ލިމިޓެއް ސަރުކާރުން ކަނޑައަޅާފައި މިވަނީ ރާއްޖޭގެ ރާއްޖޭގެ އިގްތިސާދު ކުރިއެރުވުމަށް މުހިއްމު ފިޔަވަޅުތަކެއް އެޅުމުގެ ބޭނުމުގައެވެ.
ބީއެމްއެލްގެ ކާޑުތަކުން ކުރާ ބޭރު ފައިސާގެ މުއާމަލާތްތަކަށް މިހާރު ކަނޑައަޅާފައިވާ ލިމިޓްތަކަށް މި ހިނގާ ޖޫން މަހުގެ ފަހުގެ ކޮޅު ލުޔެއް ލިބޭނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ މި ފަހުން ވިދާޅުވެފައެވެ. އެމަނިކުފާނު ވިދާޅުވި ގޮތުގައި، ކާޑުތަކުގެ ލިމިޓް ކުޑަކޮށްފައިވަނީ ބީއެމްއެލްއަށް ދިމާވެފައިވާ ދަތިތަކަކާ ގުޅިގެންނެވެ.
ނަމަވެސް އެކަމާ ގުޅޭގޮތުން ބޭންކާ މަޝްވަރާކުރުމުން އުންމީދީ ޖަވާބެއް ލިބިވަޑައިގަނެފައިވާ ކަމަށް ރައީސް ވިދާޅުވިއެވެ.
