ފިޗް ރޭޓިންގސްއިން ރާއްޖޭގެ ކްރެޑިޓް ރޭޓިންގ މަތިކުރީ، އަދުގެ ސަރުކާރުން މާލީ ގޮތުން އަޅަމުން އަންނަ ހަރުދަނާ ފިޔަވަޅުތަކާއި ދަރަނި ދެއްކުމުގައި ހޯދި ކާމިޔާބީތަކުގެ ސަބަބުން ކަމަށް ފިނޭންސް މިނިސްޓަރު މޫސާ ޒަމީރު ވިދާޅުވެއްޖެއެވެ.
މިނިސްޓަރު ޒަމީރު މި މޭރުމުން ވިދާޅުވީ ފިޗް ރޭޓިންގސްއިން ރާއްޖޭގެ ރޭޓިންގ ’ސީސީ‘ އިން ’ސީސީސީ‘ އަށް މަތިކުރުމާ ގުޅިގެން މީސް މީޑިއާގައި ހިއްސާކުރެއްވި ޕޯސްޓެއްގައެވެ. ޒަމީރު ވިދާޅުވީ، މި ކުރިއެރުމަކީ މިދިޔަ އޭޕްރީލް މަހުގެ ތެރޭގައި ދެއްކި 500 މިލިއަން ޑޮލަރުގެ ސުކޫކް ހިމެނޭހެން، ސަރުކާރުން ކާމިޔާބުކަމާއެކު ދަރަނިތައް އަދާކުރަމުންދާތީ ލިބުނު ކުރިއެރުމެއް ކަމަށެވެ.
.@FitchRatings has upgraded the Maldives’ credit rating, reflecting improved economic conditions following the successful repayment of the USD 500 million Sukuk in April.
I extend my congratulations and gratitude to His Excellency President Dr @MMuizzu for the leadership and… https://t.co/4bKuQ10K5q
— Moosa Zameer (@MoosaZameer) June 3, 2026
ޒަމީރު ފާހަގަކުރެއްވި ގޮތުގައި، ސަރުކާރުގެ އަމާޒަކީ ރާއްޖޭގެ ”މެކްރޯ ފިސްކަލް“ ހަމަޖެހުން ގާއިމުކުރުމަށާއި ދެމެހެއްޓެނިވި މިންގަނޑެއްގައި ދަރަނި ހިފެހެއްޓުން ކަމަށެވެ. ހަމައެހެންމެ، ބައިނަލްއަގުވާމީ އިގުތިސާދަށް އަންނަ ލޮޅުންތަކުން އަރައިގަތުމުގެ ގާބިލްކަން އިތުރުކުރުމަށް ސަރުކާރުން އިސްކަންދޭނެ ކަމަށް ވެސް އޭނާ ވަނީ ވިދާޅުވެފައެވެ.
ޒަމީރު ވަނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިރުޝާދާއި ލީޑަރޝިޕްގެ ދަށުން މާލީ ގޮތުން އަޅަމުން އަންނަ އިސްލާހީ ފިޔަވަޅުތަކަށްޓަކައި އެމަނިކުފާނަށް ޝުކުރު އަދާކުރައްވައިފައެވެ.
