އެހެން ފަރާތްތަކުން ޤައުމު ދަރަނިވެރިކުރުވުމުގައި އަވަދިނެތި އުޅުއްވި ނަމަވެސް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިހާރު ކުރައްވަމުން ގެންދަވާ މަސައްކަތްޕުޅަކީ އެ ދަރަނިތައް އަދާކުރެއްވުން ކަމަށް ރައްޔިތުންގެ މަޖިލީހުގެ މައްޗަންގޮޅި އުތުރު ދާއިރާގެ މެންބަރު އިބްރާހިމް މުޙައްމަދު (ޖަނާބު) ވިދާޅުވެއްޖެއެވެ.
މެންބަރު ޖަނާބު މިހެން ވިދާޅުވީ މިއަދު އެކްސްގައި ކުރެއްވި ޕޯސްޓެއްގައެވެ. އޭނާ ފާހަގަކުރެއްވި ގޮތުގައި، ކުރީގެ ސަރުކާރުތަކުން ނަގާފައިވާ ބޮޑެތި ދަރަނިތަކުގެ ސަބަބުން ގައުމުގެ އިގްތިސާދަށް ބޮޑެތި ގޮންޖެހުންތަކެއް ކުރިމަތިވެފައިވީ ނަމަވެސް، ރައީސް މުޢިއްޒު އިސްކަންދެއްވަނީ އެކި ކަހަލަ ބަހަނާ ދެއްކެވުމުގެ ބަދަލުގައި އަމަލީ ގޮތުން އެ މަސައްކަތްޕުޅުތައް ހައްލުކުރެއްވުމަށެވެ.
”އެހެން މީހުން ދަރަނި ނެގުމުގައި އަވަދިނެތި އުޅުނުއިރު، ރައީސް ޑރ. މުޢިއްޒު އަވަދިނެތި އުޅުއްވަނީ އެ ބިލްތަކަށް ފައިސާ ދެއްކެވުމުގައި،“ ޖަނާބު ވިދާޅުވިއެވެ.
މީގެ އިތުރުން، ޤައުމަށް ދިމާވެފައިވާ މާލީ ދަތިކަމުން އަރައިގަތުމަށް ރައީސް ކުރައްވަމުން ގެންދަވާ ހިތްވަރުގަދަ މަސައްކަތްޕުޅުތަކަށް ތައުރީފު ކުރައްވަމުން ޖަނާބު ވިދާޅުވީ، މިއީ ހަމައެކަނި ދައްކާ ވާހަކައެއް ނޫން ކަމަށާއި، މިއީ ހަގީގީ ”ލީޑަރޝިޕް“ ނުވަތަ ގައުމީ ލީޑަރެއްގެ ކިބައިން ފެންނަންޖެހޭ ސިފައެއް ކަމަށެވެ.
While others were busy borrowing, President Dr. Mohamed Muizzu is busy paying the bills.
, but instead of making excuses, he got to work.
That's not talk.
That's leadership.#UnfilteredMV #DrMuizzu #Muizzdidit pic.twitter.com/VqKei46ynS— Ibrahim Muhammad (@ibrahimjanab) June 3, 2026
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން އިޤްތިސާދީ އިސްލާހީ ފިޔަވަޅުތައް އަޅަމުންދާ މި ދަނޑިވަޅުގައި، މަޖިލީހުގެ މެންބަރުންނާއި ސަރުކާރަށް ތާއީދުކުރާ ފަރާތްތަކުން އަންނަނީ ރައީސްގެ ދުރުވިސްނޭ ސިޔާސަތުތަކަށް ވަރަށް ބޮޑަށް ތާއީދުކުރަމުންނެވެ.
