ޕީއެންސީގެ ކޮންގްރެސް ބޭއްވުމަށްޓަކައި ޕާޓީން ވާންޖެހޭ ތައްޔާރީތައް ވަރަށް ފުރިހަމައަށް ވަމުން އަންނަ ކަމަށް އެ ޕާޓީގެ ނައިބު ރައީސް އަދި ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ޝުޖާއު ވިދާޅުވެއްޖެއެވެ.
ޝުޖާއު މި މޭރުމުން ވިދާޅުވީ، ޕީއެންސީގެ މެންބަރުންގެ މަޖިލީހުން ބޭއްވި ބައްދަލުވުމަކާ ގުޅޭގޮތުން މީސް މީޑިއާގައި ހިއްސާކުރެއްވި ޕޯސްޓެއްގައެވެ. ޝުޖާއު ވިދާޅުވީ، މި ބައްދަލުވުމަށް ޕާޓީގެ ރައީސް އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މުހިންމު ހުށަހެޅުއްވުމެއް ހުށަހެޅުއްވި ކަމަށެވެ. އެމަނިކުފާނުގެ މި ހުށަހެޅުއްވުން މެންބަރުންގެ މަޖިލީހުގެ އިއްތިފާގުން ފާސްކޮށްފައިވާ ކަމަށް ޝުޖާއު ވަނީ ވިދާޅުވެފައެވެ.
ކޮންގްރެސް ޕާޓީގެ މެމްބަރުންގެ މަޖިލިސް ފެށިގެން ކުރިއަށްދާ ވާހަކަ މިޕާޓީގެ މެމްބަރުންގެ މަޖިލީހުގެ ނިންމުންތަކުގެ މަޢުލޫމާތު ސާފުކުރުމަށް ޝައުޤުވެރިވަޑައިގަންނަވާ އެންމެހައި ފަރާތްތަކަށް ދަންނަވަން.
މެމްބަރުންގެ މަޖިލީހަށް ރައީސް ޑރ @MMuizzu މިރޭ ހުށައެޅުމެއް… pic.twitter.com/CvQhjS00pJ— Ibrahim Shujau (@IbrahimShujaau) June 2, 2026
ޕާޓީގެ ހިންގުން މިހާރަށްވުރެ ބޮޑަށް ހަރުދަނާކުރުމަށް ކުރަމުންދާ މަސައްކަތްތަކަށް ވެސް ޝުޖާއު ވަނީ އަލިއަޅުއްވާލައްވައިފައެވެ. އެގޮތުން ކުރިއަށް އޮތް ތަނުގައި ޕާޓީގެ މެންބަރުންގެ މަޖިލީހުގެ ބައްދަލުވުންތައް ވަރަށް ގާތްގާތުގައި ބާއްވަމުން ގެންދާނެ ކަމަށް ޝުޖާއު ވަނީ ވިދާޅުވެފައެވެ.
”ޕާޓީގެ މެންބަރުންގެ މަޖިލީހުގެ ނިންމުންތަކުގެ މައުލޫމާތު ސާފުކުރުމަށް ޝައުގުވެރިވާ އެންމެހައި ފަރާތްތަކަށް މިކަން ދަންނަވަން،“ – ޝުޖާއު ވިދާޅުވިއެވެ.
ޕީއެންސީން މިހާރު ދަނީ ޕާޓީގެ އެތެރޭގެ ހިންގުން ވަރުގަދަކޮށް، ކުރިއަށް އޮތް ބޮޑު ކޮންގްރެސްއަށް ވާންޖެހޭ ތައްޔާރީތައްވުމުގެ އިތުރުން ނިންމަންޖެހޭ މަސައްކަތްތައް ނިންމުމަށް ކުރަންޖެހޭ މަސައްކަތްތަކެއް ކުރަމުންނެވެ.
