ފީފާ ވޯލަޑް ކަޕަކީ ޒަމާނުއްސުރެ ދިވެހިންގެ މެދުގައި މަގުބޫލު އެއް މުބާރާތެކެވެ. ދިވެހިންގެ މެދުގައި ފުޓްބޯޅައަށް އޮންނަ ލޯތްބާއި އެކު، ކޮންމެ ވޯލްޑްކަޕަކާއި ދިމާކޮށް ހާއްސަ ތައްޔާރީތަކެއް ވަމުން އާދެއެވެ. އެގޮތުން މިއަހަރު ޖޫން މަހު ބޭއްވުމަށް ތައްޔާރުވަމުން އަންނަ 2026 ވަނަ އަހަރުގެ ވޯލްޑް ކަޕް މުބާރާތައް ތައްޔާރުވުމުގެ ގޮތުން، އެސްޓީއޯއިން ޖެނެރަލް ޓްރޭޑިންގއިން މިވަނީ ”އެސްޓީއޯ ވޯލްޑް ކަޕް ފޯރި“ ގެ ނަމުގައި ވަރަށް ހާއްސަ ޕްރޮމޯޝަނެއް ފަށައިފައެވެ.
އެގޮތުން މި ޕްރޮމޯޝަންގެ ދަށުން، ގިނަ ބެރޭންޑްތަކެއްގެ ޓީވީތަކާއި ޕްރޮޖެކްޓަރތަކުން %28 އާއި ހަމައަށް ޑިސްކައުންޓް ލިބިގެންދާނެއެވެ. އެގޮތުން މި ޕްރޮޑަކްޓްތަކުގެ ތެރޭގައި ފިލިޕްސް ބްރޭންޑުގެ ޓީވީ އަދި އެލްޖީ ބްރޭންޑުގެ ޓީވީ އަދި ހަމަ އެއާއި އކު އިންފޯކަސް ބޮކްސްލައިޓް ޕްރޮޖެކްޓަރ ހިމެނެއެވެ. މި ޕްރޮޑަކްޓްތަކުން 500ރ އިން މަތިން ވިޔަފާރިކޮށްގެން މި ޕްރޮމޮޝަންގައި ބައިވެރިވެވޭނެއެވެ. މި ޕްރޮމޯޝަންގައި ބައިވެރިވާ ފަރާތްތަކުންގެ ތެރެއިން ހޮވޭ ނަސީބުވެރި އެއް ފަރާތަކަށް 2 ބޭފުޅެއްގެ 5 ދުވަހުގެ މެލޭޝިޔާ ދަތުރެއް ލިބިގެންދާނެއެވެ.
ރީޓެއިލް ކަސްޓަމަރުންގެ އިތުރުން ހޯލްސޭލް ކަސްޓަމަރުންނަށްވެސް މި ޕްރޮމޯޝަނުން ވަރަށް ހާއްސަ އަގުހުރި އިނާމުތަކެއް ލިބިގެންދާނެއެވެ. ހޯލްސޭލް ކަސްޓަމަރުންނަށް 3000ރ އިން މަތީގެ ވިޔަފާރި ކުރައްވައިގެން މި ޕްރޮމޯޝަންގައި ބައިވެރިވެވޭނެއެވެ. ކޮންމެ 3000ރ އިން މަތީ އިންވޮއިސް އަކަށް ކޫޕަނެއް ލިބިގެންދާނެއެވެ. ހޯލްސޭލް ކަސްޓަމަރުންގެ ތެރެއިން ހޮވޭ ނަސީބުވެރި 3 ފަރާތަކަށް ހާއްސަ އިނާމްތަކެއް ވަނީ ހުށައެޅިފައެވެ. އެގޮތުން 1 ވަނައަށް ހޮވޭ ނަސީބުވެރި ފަރާތައް 30،000ރ ޕްރޮޑަކްޓްތައް، ދެވަނައަށް ހޮވޭ ފަރާތައް، 20،000ރ ޕްރޮޑަކްޓްތައް އަދި 3 ވަނައަށް ހޮވޭ ފަރާތައް 10،000ރ ގެ ޕްރޮޑަކްޓްތައް ލިބިގެންދާނެއެވެ. މީގެ އިތުރުންވެސް ކޮންމެ ހަފްތާއަކު، ވޯލްޑް ކަޕާއި ގުޅެ އެކި އެކި ހަރަކާތްތަށް މެދުވެރިކޮށް ތަފާތު އިނާމްތައް ހޯދުމުގެ ފުރުސަތު ވެސް ކަސްޓަމަރުންނަށް ލިބިގެންދާނެއެވެ.
މި ޕްރޮމޯޝަންގެ މައިގަނޑު މަޤްސަދަކީ، ހިތްހަމަ ޖެހިލައިގެން، އެއް މާހައުލެއްގައި އާއިލާއާއި އެކު ވޯލްޑް ކަޕް ބެލުމުގެ ފުރުސަތު ހޯދައިދިނުމެވެ. މި ޕްރޮމޯޝަން ކުރިއަށްދާނީ 12 ޖުލައި 2026 ގެ ނިޔަލަށެވެ. އަދި މި ޕްރޮމޯޝަން، އެސްޓީއޯ ޕީޕަލްސް ޗޮއިސް މާލެ، އެސްޓީއޯ ޕީޕަލްސް ޗޮއިސް ހުޅުމާލޭގެ އިތުރުން ރީޖަނަލް އައުޓްލެޓް ތަކުގައިވެސް ކުރިއަށްދާނެއެވެ.
