ވިލިމާލެ މިސްކިތް ހުންނަ ސަރަހައްދުގައި އީދު ކުޅިވަރުގެ ތެރެއިން ދީނީ ގޮތުން ނުރަނގަޅު އަމަލުތަކެއް ނުވަތަ މުންކަރާތްތަކެއް ހިންގާފައިވާ ކަމަށް ބުނެ އާންމުންގެ ފާޑުކިޔުން އަމާޒުވެފައި ވަނިކޮށް، އެކަން ދިފާޢުކޮށް ވިލިމާލެ ދާއިރާގެ މެންބަރު މުހައްމަދު އިސްމާއިލް ވާހަކަދައްކަވައިފިއެވެ.
މި ހަރަކާތްތަކާ ގުޅިގެން އުފެދިފައިވާ ހިތްހަމަނުޖެހުންތަކަށް ރައްދު ދެއްވަމުން މެންބަރު ވިދާޅުވީ، އެއީ މިސްކިތާ އެތައް ސަތޭކަ ފޫޓެއް ދުރުގައި ހިނގި ކަމެއް ކަމަށެވެ. އަދި މިސްކިތް އަރާގޮތަށް ފޮޓޯ ނެގުމަކީ ކިތަންމެ ދުރުގައި ކުރާ ކަމެއްގައި ވެސް ކުރެވިދާނެ ކަމެއް ކަމަށް ވިދާޅުވެ، މެންބަރު ވަނީ އެ ހަރަކާތްތައް ދިފާޢުކުރައްވާފައެވެ.
މުހައްމަދު އިސްމާއިލް ވިދާޅުވި ގޮތުގައި، ނަމާދު ގަޑިތަކުގައި އީދުގެ އެއްވެސް ހަރަކާތެއް ކުރިއަށް ނުގެންދެއެވެ. އަދި ރައްޔިތުންނަށް އޮޅޭގޮތަށް މިފަދަ މައުލޫމާތު ފޯރުކޮށްދިނުމަކީ ޒިންމާދާރު ގޮތެއް ނޫން ކަމަށް އޭނާ ފާހަގަކުރެއްވިއެވެ.
”ވިލިމާލެ ރައްޔިތުންނަކީ ހެޔޮބަސްއަހާ، އިސްލާމްދީނުގެ ކަންކަމަށް އިސްކަންދޭ ބައެއް،“ މެންބަރު ވިދާޅުވިއެވެ.
މިސްކިތާ އެތައް ސަތޭކަފޫޓު ދުގަ ކުރިޔައްދިޔަ އިވެންޓެއްތީ އެންނޫނަސް ނަމާދުގަޑި ތަކުގަ އީދުގެ އެއްވެސް ހަރަކާތެއްނުހިނގާނެ ރައްޔިތުންނަށް އޮޅޭގޮތައް މައުލޫމާތު ފޯރުކޮއްދިނުމަކީ ޒިންމާދާރު ގޮތެއްކަމުގަ ނުދެޖެން . ވިލިމާލެ ރައްޔިތުންނަކީ ހެޔޮބަސްއަހާ ހެޔޮބަސްގަބޫލްކުރާ އިސްލާމް… https://t.co/ohG7ntE7AA
— Mohamed Ismail (@MPMohdIsmail) May 30, 2026
މުޙައްމަދު މިފަދައިން ވިދާޅުވެފައި މިވަނީ ވިލިމާލޭގައި އީދު ކުޅިވަރުގެ ނަމުގައި ޝައިޠާނީ ސިފަ ޖައްސާ ނެރެފައި ތިބި މާލިތަކެއް ވިލިމާލެ ބިއްރި މިސްކިޔް ހިމެނޭ ސަރަޙައްދުގައި ލަވަޔާއި މިއުޒިކާއެކު ހަރަކާތްތެރިވުން ކުށްވެރިކޮށް ސަރުކާރުގެ އެކްޓިވިސްޓަކު ކުރި ޕޯސްޓެއް ދިފާއު ކުރަމުންނެވެ. މުޙައްމަދު މި މޭރުމުން ވިދާޅުވީ ނަމަވެސް ގިނަ ބައެއްގެ ފާޑުކިޔުމާއި، ނުރުހުން މިކަމަށް ވަނީ އަމާޒުވެފައެވެ.
ދެޖިންސު މަސްހުނިވުމާ ގުޅޭގޮތުން ދެކެވޭ ވާހަކަތަކަށް އިޝާރާތް ކުރައްވައި މެންބަރު ވިދާޅުވީ، ހަރަކާތްތައް ކުރިއަށްގެންދާއިރު ދެޖިންސު ވަކިވަކިން ބޭއްވުމަށް އަބަދުވެސް ނަސޭހަތްތެރިވާ ކަމަށެވެ.
ވިލިމާލޭގައި ކުރިއަށްދިޔަ މި ހަރަކާތްތަކުގެ ފޮޓޯތަކާއި ވީޑިއޯތައް ސޯޝަލް މީޑިއާގައި ދައުރުވަމުންދާއިރު، ގިނަ ބަޔަކު ދަނީ މިސްކިތް ކައިރީގައި މިއުޒިކާއި ނެށުމުގެ ހަރަކާތްތައް ބޭއްވުމަކީ އިސްލާމީ އަދަބުތަކާ ޚިލާފު ކަމެއް ކަމަށް ބުނެ ކަންބޮޑުވުން ފާޅުކުރަމުންނެވެ. ޢީދު ފާހަގަކުރުމުގެ ހަރަކާތްތައް މިހާރުގެ ސަރުކާރުން ވަރަށް ކުލަގަދަކޮށް ކުރިއަށްގެންދާއިރު، މިފަދަ ކަންކަމުގައި ދީނީ މިންގަނޑުތަކަށް ސަމާލުކަން ދިނުމަށް ސަރުކާރުންވެސް އަދި ޚުދު ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ އިތުރުން ދީނީ އިލްމުވެރިންވެސް ދަނީ ގޮވާލަމުންނެވެ.
