ޕެންޝަން އޮފީހުގެ ބޯޑުގެ ޗެއާޕާސަންގެ މަގާމަށް އަބްދުލްމަޖީދު އަލީ އައްޔަން ކުރައްވައިފިއެވެ.
ޕެންޝަން އޮފް އޮފީހުގެ ބޯޑުގެ ޗެއާޕާސަންގެ މަގާމަށް ބޭފުޅަކު އައްޔަން ކުރައްވާފައިވަނީ އެ މަގާމުގައި ކުރިން ހުންނެވި އަހުމަދު އިނާޒް އިސްތިއުފާ ދެއްވުމާއި ގުޅިގެންނެވެ.
އެ މަގާމަށް އައްޔަން ކުރެވުނު އަބްދުލްމަޖީދަކީ މިދިޔަ އަހަރު މާރިޗު މަހުން ފެށިގެން ޕެންޝަން އޮފީހުގެ ބޯޑުގައި ޕްރައިވެޓް ސެކްޓަރ ތަމްސީލު ކުރައްވާ މެންބަރެވެ.
ޕެންޝަން އޮފީހުގެ ޗެއާޕާސަން ކަމަށް މަޖީދު އައްޔަންކޮށްފައިވަނީ މިމަހުގެ 21 ވަނަ ދުވަހުއެވެ.
މަޖީދު ޕެންޝަން އޮފީހުގެ ޗެއާޕާސަން ކަމުގެ މަގާމަށް އައްޔަން ކުރުމާއެކު، އެ ބޯޑުގައި ޕްރައިވެޓް ސެކްޓާ ތަމްސީލް ކުރައްވާ މެންބަރުކަމަށް ވަނީ ހައްޖު ކޯޕަރޭޝަނުގެ މެނޭޖިން ޑިރެކްޓަރުކަން ކުރައްވާފައިވާ ޔާމީން އިދްރީސް އައްޔަނުކުރައްްވައިފައެވެ.
